1137 @ Sep 07，It’s Automatic。

尋日開學第一日都 OK 唔老黎，夜晚返去知點解了，就係唔記得帶開學利是！LOL，今日記得帶返，一切順順利利，Very Good。其實可能係第二日返既時間晏左，睏返夠，而且又遇返 D 較為熟識既同學，感覺無咁陌生既。最重要係之後個日開始放五日長假，個個禮拜去旅行都得！心態係唔同左既。

咁都無乜特別了。至特別咪就係終於搵到 Advisor 簽張 Minor Form。話分兩頭，近期唔知邊度聽返 N 年前宇多田光既《Automatic》，係幾好聽既 ↓





1142 @ Sep 07，完。That’s All.

2325，呢幾個月黎今日都算「Lost」得最勁既一日。

話說今日開學，朝早上九點半，都早左少少出門口，應該會早少少到。點知最後遲左二十分鐘 ... 不過塞下車都好既，可以係車睏下，尋晚都睏得唔太好 ... 落堂上堂落堂上堂又落堂，這就是今日做過既野。係 Break 時嘗試搵 Program Leader，點知佢無返 City。上次又係咁，想搵佢又唔係度，唔想搵就彈出黎 ...

今個 Sem Take 左科中文名大約叫「中日文化交流歷史」，個內容唔算悶既，不過個 Instructor 用普通話講就好大問題。講英文聽得明、普通話都聽得明，不過後者聽到好攰，一攰就想 Drop。今日上堂既時候係咁釣魚，九半至六半都唔係易挨 ... 今個 Sem Take 左兩個同 Japanese Culture 有關既 Course，兩個 Course 都係同一個人教，都唔知點頂。

真係唔係講笑，上完堂有一種好強烈「Lost」既感覺，真唔開心。唔知係未放夠假、還是肚子餓、再還是 Summer Term 上得太開心呢，總係覺得依家麻麻地。唉 ... 不過難挨都要挨，普通話咁惡頂都比我挨過，呢 D 應該無咁難頂既。



2342，LOST！That’s All.

2258 @ Sep 04，就快補晒。

今日一整天都係打日記，都補左好多篇。希望大家花少少時間睇下啦！話分兩頭，頂頭個堆頁數 Delete 晒，因為次次都要 Load 過百幅數字圖都好慢下。依家想睇返之前既 Post 可以 Click 「Previous」或者直接係個網址打都得。後者方法比較進階，要 Click 一次「Previous」再係網址搵到「page=」，改 = 後既數字就得。

夜晚出左銅鑼灣食飯，今次去金滿庭，食物真係抵讚！食完都拿拿聲回家了，第二朝要返早 ... 今日 Winning 又拎多幾個獎，包括有 World Best Eleven、League Best Eleven，勁啊。不過新球季轉左會到國米，際遇麻麻，可能會轉去其他球會。



2315 @ Sep 04，依家再次醒起諗住 Aug 去完成既野到今日都未搞掂 ... That’s All.

2152 @ Sep 04，星期天。

由於要趕工既關係，係無返 Church 既。Finally，這就是個成果 ↓



只係試作型黎唧，部份內容還需要修正既。如是者就一天了，都無乜其他野做過，閒時都係做下職業球員多。真係唔記得左做過乜野 ...


2203 @ Sep 04，又完。That’s All.

2016 @ Sep 04，旅行日記．後記

總括整個旅行，真係好開心既。雖然其間都有 OK 多爭拗，但最終都無事既。拗既野關於「時間運用」多，咁我成日問時間係好煩既，下次我自己帶隻錶。不過我都係唔想大家遲到唧，遲左好瘀皮架嘛。咁的確我係霸道 D 既，下次留意下留意下。下次旅行應該都係出黎做野後年幾兩年既事吧，鎖定目標係日本京都。

晏晝去左 Pizza Hut 食 Tea，順道交換返 D 書、鳳梨酥等等。哈，今日見唔到 Jody ... 回到家都係打下 Winning 做職業球員。夜晚努力開工，得出以下成果 ↓



好多時都係無心插柳柳成蔭既 ...



2134 @ Sep 04，旅行真開心 ... That’s All.