台灣四日三夜永安遊‧Day 4
1016 @ Sep 03，旅行日記．４一早就到忠烈祠睇換兵，睇下人群幾「兇湧」，兵哥都好無奈 ... ↓
睇下兵哥 D 汗，滴到成件衫好似剛剛洗完咁 ↓
忠烈祠既門碑 ↓
之後就到士林官邸花園 ↓
整個花園都係種左好多植物，兩旁既樹絕對係遮蔭好幫手 ↓
咁呢 D 花園多蚊蟲唔出奇既，點知原來蛇都有，有 D 區域重貼張紙出黎話有毒蛇出沒 ... 話分兩頭，溫室內既蘭花的確打理得好靚 ↓
唔知大家小學中文堂有無讀過一課書係關於聰敏過人既司馬光爆缸救佢朋友，讀過實有印象，無既就算。呢個就係類似比司馬光爆個類缸 ↓
係入口附近有兩棵生得好纏綿既樹，幾有名堂的，導遊聲稱 ↓
Lunch 去左伍角船板，裡面既裝潢係幾特別 ↓
食物都 OK，絕對唔頹的。呢個就係佢既外觀 ↓
之後就到圓山大飯店外圍參觀，無乜特別 ↓
最後就到暫時全世界最高既台北 101 逛，真係無乜特別，得個高字 ↓
個度既 Food Court 一 D 都唔頹，幾 OK 的。期間有少少波折咁，不過最後都無事既。咁就去機場準備回港了。準備離境個陣竟然見到話會 Join 我地既 Samuel，佢撘早一班機，都咪話唔 Surprise，世界都唔係大既，傾左陣計佢就飛先了。之後就係機場裡面既找換店兌換返 D 港紙，咁重剩返幾十蚊銀仔，四圍搵汽水機用埋 D 銀仔。汽水機係多，不過裡面無乜汽水個下衰呢，由一邊行到另一邊再折返另一邊，行到腳都軟埋 ... 最終係登機前 5mins 成功買到既。
最後係飛機食埋個飛機餐 ↓
都幾 OK 唷，岩食！
話咁快就返到香港，拎埋 D 行李，同好似葛民輝既領隊影返相張就回家了。真係攰到震，唔拎都唔知自己咁大力，LOL。
1120 @ Sep 03，還有後記。That’s All.
Created On 31/08/2007 10:58:25
台灣四日三夜永安遊‧Day 3
0910 @ Sep 03，旅行日記．３第三日全日都係自由行，先黎就去飯店食個早餐先。早餐係例牌既自助餐，都算係多款，不過就唔係好岩食既。之後係附近行下，去了一間郵局想話買郵票，不過最後失敗而回既。之後撘捷運到淡水，期間經過一間郵局，買了郵票，Good。呢個角度影埋去都幾有 Mood 架 ↓
路旁數都數唔完既機車 ↓
係呢道買左一 D 小擺設，幾 Cute 的 ↓
行左好耐，最後係呢間係河邊隔離既雪糕店食雪糕 ↓
D 雪糕可以用「煙 Un」黎形容，個口感幾特別！不過比街邊既雪糕貴一大截啦。本來諗住去漁人碼頭既，不過最尾都無去到。因為有人唔記得話我知要撘巴士去。除此之外，去既時後見到一間店鋪有「布丁豆花」賣，都諗住去食，點知回程既時候搵唔返。我諗有人雙重失望啦。
自行既第二站就係去鼎泰豐食小籠包，呢個就係捷運既地圖 ↓
小籠包就係咁既樣 ↓
食物係幾好唔錯，又唔洗等位，因為都 OK 晏先去食。食完就去左誠品書店總店買書，都買左好多書，亦都睇左好多書。有一兩本即場睇晒，買都慳返。不得不提既係日文書真係平！
睇返 D 相先記得，捷運裡既呢款電子顯示牌真係超把鬼。都幾多人過左站、車門就關個下先醒起要落車。Well，我地都試過坐過左一個站先醒要落車 ↓
返飯店卸低 D 書之後再出發到地下書店街 ↓
本來係諗住去另一條位於地面、兩旁滿佈書店既「書店街」睇書，不過時間關係去唔到，就黎左呢條地下書店街。可能一開始就去左誠品，感覺上個地下書店都幾 Hea，賣既多數係比較舊版既書，之但係勝左夠寬闊、又有冷氣、最緊要係有折！都 OK 既。係度都有收穫的！
逛完地下書店街已經差唔多夜晚九點，晚飯還未有著落，都係靠三點鐘個 D 小籠包挨到依家。咁就去左西門町搵食。先黎就經過紅樓劇場 ↓
先黎去菓風小鋪買 D 特色既糖果 ↓
之後就到 Mister Donut 買幾個 Donut 試下 ↓
買完之後就離開西門町了，呢個係捷運站外既情景，幾有銅鑼灣 Feel ↓
留意左好耐，逢係捷運站內既扶手電梯都有個既牌 ↓
講到好似好快咁，其實實際上一 D 都唔快 ... 我諗應該未開到極速吧。
剩係 Donut 係唔夠飽既，去左 Mos Burger 買左幾份食物，返飯店前去了呢間便利店買 D 飲品 ↓
總括整日行程，就有呢堆野 ↓
真係唔係講笑，D 飲品超平，平均都係 HK$5 -7 蚊，係幾抵飲，又多款。唔知大家見唔見到屋型奶茶隔離既飲品。呢支係活性乳酸菌飲品，即係益力多個隻。呢個應該係成人裝，有 400 ml，容量重多過罐啤酒。
從另一個角度看 ↓
這個 Mister Donut，幾岩我口味，唔錯！而 Mos Burger 就無香港食過個 D 咁多汁，不過 D 炸蝦、炸可樂餅香港無得食而且又幾好食，算唔錯既。
1016 @ Sep 03，又抖下先。That’s All.
Created On 30/08/2007 10:58:25
台灣四日三夜永安遊‧Day 2
2342 @ Sep 02，旅行日記．２到另一朝早，再睇一次間溫泉旅館，看看間房個室內溫泉 ↓
有兩件日式浴袍，都幾靚架。見唔見到個浴缸有 D 膠鴨仔呢？特登帶過去的，不過 D 鴨既浮水、平衡能力都幾差下，失策！間溫泉旅館係陽明山，當然有好靚既風景啦 ↓
呢個就係室外既溫泉，都幾靚架 ↓
離開陽明山後就到了野柳自然風景區，當中最具代表性既就係被侵蝕既岩石，估下似乜野 ↓
咪就係似個「女皇頭」唷。另加漁夫雕像乙個 ↓
之後就到了中正紀念堂參觀，不過好多地方都圍晒板，都無乜野好睇。可能遲下連呢個地方都無埋 ... ↓
呢 D 地方通常都好多鴿，有位 Daddy 想氹個女開心就四圍去撲鴿等 D 鴿飛起。大熱天時，佢咁樣撲黎撲去都咪話唔辛苦 ...
輾轉就黎到深坑豆腐街 ↓
街邊既小食都唔係好岩食，咁到了附近店鋪吃豆腐花，先黎兩碗 ↓
落黑糖膏既豆腐花係香好多的！話分兩頭，呢支就係導遊請團友食既地道雪條，好好食又唔話得既，係幾特別 ↓
晏晝就到了我都 OK 期待既木柵動物園 ↓
一黎就去左爬蟲館過一過冷河，真係唔係講笑，熱同曬都能夠令你中暑。最正既就係有得睇企鵝 ↓
D 企鵝低低能咁係幾得意既！行下行下就到了棕熊既展場，大家搵唔搵到隻熊呢 ↓
如無意外，應該係搵唔到棕熊既。其實影呢張相係想話比大家聽，個陣陽光很猛、天氣又熱，大部份位於室外既動物都躲係 D 陰暗位乘涼，基本上係睇唔到 D 乜既，又有多少失望啦。有件事都幾有趣，有 D 動物園遊客見到我對著棕熊個展場影相，就陸陸續續咁有人走過黎睇，我重聽到有個人問「隻熊係邊？我見唔到既。」哈，見到隻熊先驚！
其他常見既動物相片唔貼出黎，貼隻樹熊比大家睇下，都 OK 架 ↓
之後到了 Hello Kitty 專賣店買了個 Winnie the Pooh 既碗，大家諗下有甚麼古怪既地方。其後到了維格訂鳳梨酥、栗子酥等食品。夜晚就到了士林夜市食小食，先來吃塊有 A4 紙咁大既雞扒 ↓
塊雞扒比我想像中好食，或者叫岩食啦。其後去了呢間店鋪食涼麵 ↓
好重麻油味，感覺其實有少少似平時煮好 D 公仔麵、攤到佢凍晒先食個種感覺。除此之外，還食左比拳頭更大既章魚燒、試左兩款飲品，其中一款係至 Hit 既「蜂蜜苦瓜汁」。呢種係健康飲品，其實都唔易入口 ... 總括黎講都唔係食左好多野，最主要原因係熱啦、其次又唔係下下岩食咁，不過都 OK 既。
最後就返去鄰近捷運站既飯店，第二、三晚就係睏係呢樹 ↓
都 OK 既，聲稱有「四★」。 D 床鋪、枕頭袋望落乾淨、其實仔細睇係有多少「污跡」，不過應該係洗唔甩既，都係乾淨既。唔知大家見唔見到床頭有個鐘仔呢，係私伙野黎，不過最後 ...
0901 @ Sep 03，咁就完左第二日行程。That’s All.
Created On 29/08/2007 10:58:25
台灣四日三夜永安遊‧Day 1
2112 @ Sep 02，旅行日記．１朝早五點鐘就執埋少少野、Leave 埋 D Message 就出門口。經過多番討論，最後都係決定各有各去地鐵站再轉乘機鐵既。呢個就係等上車既兩舊行李 ↓
呢個就係電視劇好老土既離境場地 ↓
撘 CX 機去；CX 機返 ↓
到台灣後第一站就係到大溪花海吃午飯，餐廳既環境就係咁 ↓
食既就係乜乜養生餐 ↓
食物都 OK 既，不過唔岩食，係個湯幾好飲。之後就過去隔離既「工作坊」DIY 香包，就有呢 D 乾花 / 乾草 ↓
只要將 D 乾花 / 乾草塞滿個袋仔，再加幾滴香草油就成為一個香包，都幾簡單下。呢個就係所謂既花海 ↓
原本無咁頹既，不過先個幾禮拜台灣打風，好多花花草草都打死晒。如果唔係打風，個度應該係幾靚既。依家咁既情景，點都有多少失望架喇 ...
接踵而來的係一連串的失望 ... 架旅遊巴竟然燒左 Fuse、無冷氣 ... 呢個都算，竟然有隻大黃蜂飛左入車廂，好在貼左 D 驅蚊貼係身，的確係令隻大黃蜂無飛埋黎我既範圍既。第二站就到果園，本來諗住會係大陸個 D 荔枝園咁，點知原來係咁 ↓
好似話原本有蕃茄、黃瓜自己採摘，但又因前之前打風打死晒。結果當然係失望 Again 啦 ...
之後就去九份，咁岩見到日落，不過影唔出日落個味道，當時睇個陣的確係幾靚 ↓
裡面其中一間店鋪 ↓
係九份食左少少野、買左少少野咁啦，都幾 OK 既。最後最後就到今晚過夜、亦都係最大賣點之一既溫泉會館 ↓
食埋個晚飯就上房，呢餐飯都幾 OK，都岩食，不過就肥膩少少 ↓
間房真係幾靚！日式既設計、木地板、LCD TV、獨立室內溫泉，It’s Perfect ↓
如是者，咁就完了第一天既行程了 ... 雖然白天有多少失望，不過晚黑真係補返晒，掂啊！！
2316 @ Sep 02，抖下先。That’s All.
Created On 28/08/2007 10:58:25
2028 @ Sep 02，開始漫長既「補篇」吧，好難先記得今日做過乜。
今日朝睇埋暑假最後一次《忍者亂太郎》，之後就係廳 Set 晒野自己影證件相。之前都試過自己影證件相，細佬就影得唔錯、但係自己就影得麻麻，可能燈光問題。今次換左另一個位置、襯朝早有陽光射入屋既時間、再用埋支新閃光燈，務求得到最好效果。結果呢 ... 係影得唔錯既，不過細佬影出黎既效果更加好。其實都有得解釋既，咁我自己影既時候無人幫我睇 ViewFinder，係差 D 既，又或者佢的確係較上鏡既。
下晝去左 Pizza Hut 食 Tea，傾下旅行既細節，順道曬返朝早影個 D 證件相。唔錯唔錯，非常順利！夜晚搞埋晒 D 手尾、交帶幾句咁啦。姿姿勢勢都唔早睏，總算 OK 啦。
2102 @ Sep 02，之後個 D 易記 D。That’s All.
---
外遊。休版六天。
今日朝睇埋暑假最後一次《忍者亂太郎》，之後就係廳 Set 晒野自己影證件相。之前都試過自己影證件相，細佬就影得唔錯、但係自己就影得麻麻，可能燈光問題。今次換左另一個位置、襯朝早有陽光射入屋既時間、再用埋支新閃光燈，務求得到最好效果。結果呢 ... 係影得唔錯既，不過細佬影出黎既效果更加好。其實都有得解釋既，咁我自己影既時候無人幫我睇 ViewFinder，係差 D 既，又或者佢的確係較上鏡既。
下晝去左 Pizza Hut 食 Tea，傾下旅行既細節，順道曬返朝早影個 D 證件相。唔錯唔錯，非常順利！夜晚搞埋晒 D 手尾、交帶幾句咁啦。姿姿勢勢都唔早睏，總算 OK 啦。
2102 @ Sep 02，之後個 D 易記 D。That’s All.
---
外遊。休版六天。
Created On 27/08/2007 10:58:25