說實在，由 Feb7 個日開始心情好似變得越黎越好，日日個 Happiness真係 100，甚至更高，到尋晚都仲幾好的說，可惜家下又開始差了。。。天殺的！

---
Er ... 今日真係頹到無淪。心情由今朝開始急轉直下，本來朝早約好左老師，七點零八點醒左，點知之後去翻睏，一睏就出事。。。一睏之後再醒已經係三點幾。。。 Oh My God ... 咁就爽左約，真係諗落都唔太好意思。。。今日無記播左套《Atlantis - The Lost Empire》，但係睏晏左睇唔到。。。起身之後就搵翻隻碟，自己播自己睇 A_A” 都話唔抵死，嘰嘰。

之前可能情緒太高脹，家陣個狀態係「謝」+「墜」+「殘」。好似有多少作感冒，今日成日都頭赤赤，儘管我食左 D 止痛藥。真係唔知點解今日開始心情又差翻。。。話時話，講翻呢期點解情緒咁高脹。

其實主要都係撈到 D 正野翻黎！呢幾日日以繼夜咁 Download。睇圖。



俾我撈到我好恨睇既 《Mr.Children Tour 2004》同埋《中島美嘉 2004 Concert》。前者真係睇到我興洽洽，Mr.Children 真係好正！中島美嘉 D Live 真係好麻麻，用唔掂黎形容都唔過份，不過有 D 歌都 OK 既。兩個 Concert 都未認真睇過，都係 Scan 咁睇。另外又俾我撈到 《2004 年既紅白歌合戰 - 中文字幕版》，終於明佢地講乜野，哈哈哈。再睇翻平井堅唱《輕閉雙眼》個段，說實在，唔睇樣既話真係好正 A_A”

除左撈左呢 D 之外，又俾我撈到 SMAP x SMAP 2004 Love Award 爆笑回顧，又有字幕，睇左少少，真係笑到我流眼水。真係好搞笑。另外呢期 Gackt 出左新碟，咁日本既音樂節目都有佢做嘉賓。撈左 《Hey! Hey! Hey! Music Champ》 同 《Music Station》。前者又係笑死人，播左一 D Gackt 去「玩雪」既相，Gackt 就一路睇一路旁白，係度玩變身、又扮餓暈。估唔到 Gackt 都幾有搞笑天份。又睇圖！



Gackt Jan26 出個隻碟都幾好聽下，歌名又睇圖。



第一首比較輕快，聽完可能會對愛情充滿憧憬，好有朝氣，第二首就怨念比較重，總知兩首都幾好聽，不過仲未搵到中文譯本歌詞。話時話 Gackt 上音樂節目唱《ありったけの愛で》個打扮都好配合翻首歌。佢個髮型有 D 似當年既杜拉格斯呢。。。哈，再睇圖。



另外大塚愛既《黒毛和牛上塩タン焼６８０円》都幾好聽，佢個人本身都好似幾靚咁 :D

今日係咁多先，聽日再講埋點解情緒咁高脹既最後一 Part。