Um…頭痛。。。看來睇戲睇得耐得制，太過用神搞成咁。。。此時此刻，真係有 D 「墜墜地」，呢幾日既自娛 (同時都係自愚) 得太厲害。襯得閒未睏住講講呢幾日做過乜野，某程度上算係影評，呵呵呵。

禮拜二個日做乜已經唔記得左，個晚就睇左套《The Incredibles》，係英文版。呢套戲真係唔睇唔得，個人覺得係 Disney 同 Pixar 自《Toy Story》之後最好睇既一套動畫電影。劇中角色都有 D 似陳相識咁，個一家人同另一套 Marvel 既漫畫《Mr.Fantastic》。真係一模一樣！睇圖就知點解。



故事方面都幾充實。最爆笑係個 Edna Mode (即係港版 E 夫人) ，佢幫 Mr.Incredible 整新戰衣個陣叫E 夫人叫佢千期唔好加斗篷，最尾 Syndrome 就係個斗篷出事，真係笑爆咀。Mr.Incredible 關車門同震飛佢 Boss 個幕真係激爆笑！另外 Elastigirl 係海中變艇同後尾「串」起個架「分體式飛機」個幕又係笑到收唔到聲。最後 Jack Jack 鋼 + 火化又係好搞笑。我覺得呢套電影會動畫化，畫風方面應該似《Kim Possible》個隻美式漫畫風格，希望快 D 有得播就好了！呢套戲 10 分我會俾 9.5 分。

禮拜三日頭做過乜都唔記得，雖則係年初一，無去拜年。個晚就睇左套《Love Actually》。想當年 Xmas無人 (最重要係無女友 =.= ) 陪去戲院睇，真係一個遺憾黎。其實都想睇好耐下，不過無機會睇。講翻套戲，一開始 Billy Mack 唱個首《Christmas is All Around》好搞笑 (其實係佢個動作搞笑。) 。之後個位豔星同另一位男人拍豔片個幾幕好搞笑，竟然有人會係個個地方談情，哈。個位首相又係好搞笑，無啦啦係辦公室到跳舞，至堅就係同美國總統個幕，佢反面個下真係好諷刺。之後佢去搵位辦公室助理 Natalie 個陣每家人咁敲門搵，搵唔岩個陣同 D 居民講聖誕快樂，係公事之一又係好好笑。完左呢兩 Pair 情侶，又講下 Mark + Juliet 個 Pair，雖然 Juliet 同人結左婚，但係 Mark 同 Juliet 表白個幕真係好 Charm，Mark 拎住 D 大咭紙寫住晒想講既說話，真係好浪漫。。。可惜呢。。。人地已經結左婚了。。。另外 Colin 去美國識女朋友又係好搞笑、仲有個位作家同個位葡萄牙女傭個段戀情都好感人。另外有一對本來諗住親熱下，點知硬係有電話打黎阻住佢地，真係唔通氣！不過最深刻既係個位細路仔 Sam 追女仔個一幕。。。都唔知點講好了。不過阿 Sam 做得係岩既，有時 D 野就係咁，點都係要一試的。最後一幕獻上爆笑首相親熱戲，哈，最搞笑個句「記住保持笑容」。不過呢套戲差有好多英國著名演員 / 歌手出現，哈，有 Mr.Bean，佢包禮物個幕真係激死人，哈哈。有 D位都幾感人下。。。都睇到眼濕濕。

禮拜四日頭都唔記得左做乜，夜晚就睇左套《Meet the Parents》，有 Robert de Niro ，哈，好鍾意佢 D 戲。今次佢做喜劇都比較少見 (應該係我少睇吧。) 其實本來係想睇新個套既《Meet the Fockers》，不過撈唔到高質素版本，咁睇翻第一集算。就係主角本身個本已經搞笑，叫 Gaylord Focker，Jack Byrnes (Robert de Niro) 就係咁叫佢 Focker。由頭到尾套戲都好搞笑，有部古董測謊機，又有識做好多動作既 Jinx (Jack 養既一隻貓)， Byrnes 間屋又有好多 SpyCam。有五幕特別搞笑，第一幕係酒塞射爆 Jack 阿媽個骨灰缸個刻，第二幕就係 Focker 係泳池同 Byrnes 家人打排球個幕，本來佢打得好差，無啦啦神來之筆一跳起拉弓扣殺，點知一扣就殺中將要結婚既 Dina Byrnes 個頭度，結果係成面血，至抵死就係 Focker 個表情，可惜大家睇唔到，就算家陣諗翻都差 D 笑死我。第三幕就係 Focker 上屋頂捉 Jinx 但結果係搞到失火，燒晒花園既樹、婚禮用既壇。本來係支煙頭燒著左 D 枯葉，Focker 想踩熄佢，點知整斷左條電線，條電線有多少火花，「發下發下」咁就燒著 D樹，大家又睇唔到，Focker個個樣真係勁搞笑。第四幕就係 Focker整到成個花園都係屎 (因為佢沖廁。。。) Kevin Rawley唔知道揸左架車去送個壇去，點知個車 Trap住左，咁佢就一尾俾油，個個人都話「No!」。但結果 D屎水就「辟辟辟」咁彈晒落 Byrnes同 Banks兩家人度。。。第五幕就係結尾 Focker對住個 SpyCam做 D小動作，好搞笑。。。睇完之後真係好想好想睇埋新個套《Meet the Fockers》，今次有 Dustin Hoffman做，兩大影帝，真係唔睇唔得，不過又係要有人陪先。

禮拜五日頭去大嶼山，夜晚就睇《Finding Neverland》，中文名叫《小飛俠前傳之魔幻童心》。呢套野未睇之前都有 D期望既，不過可惜最後係失望。說實在，真係有 D悶，我對 Johnny Depp 無乜興趣。。。可能個日比較攰吧加上之前個幾日睇個 D 戲比較吸引吧。套戲本身某 D位都幾感人，又差 D睇到出眼淚。印象最深刻就係 Barrie (男主角) 講個句「在這三十秒之前的這位男孩已經不在了」，呢句真係好得。其實人其中一樣最寶貴的就是「童真」。。。戲中舞台劇 Peter Pan 既內容雖然唔係甚麼好有深度或者是大製作，只是帶出了「童真」的這樣東西，當時的成年人無想過人可以飛，因為佢地唔會發夢，但係小孩子會。成人眼中無聊的劇情係小孩眼中可是有趣的事，因為他們有「童真」，重不會擔心將來會有甚麼事的發生，不懂憂累，每天都好快樂咁過。戲中的老婦看完 Peter Pan後覺得好滿足，或許她再次得到「童真」帶俾佢既喜樂。最尾 30分鐘開始到戲肉，都 OK感人下，當女主角肥溫見到 Neverland個刻真係無言。。。好美好的一個地方，可惜係人死前先見到。。。如果三十零歲既人睇感受可能會更深刻。童真。唉。。。我都想擁有，每天都有好多不同既煩事接踵而來，想起就不爽了。。。

到今晚就睇左套《Pirates of the Caribbean: The Curse of the Black Pearl》，真係好刺激下。哈，打得太多字，唔想再打了。遲下有續集，有機會都想去戲院睇下。話時話，個女主角都幾靚下，佢叫 Keira Knightley，係《Love Actually》都有佢既演出，佢就係做 Juliet。靚靚，呵。



嘩。。。好攰。。。仲未講呢期情緒因乜咁高脹。。雖則睇戲都睇得我好開心。