0548 @ Aug 04，快 D 黎！快 D 黎！

一早就做埋份 Essay，叮一聲就搞掂，都咪話唔快手既。悠哉悠哉咁整個腸仔撈麵食，食完就悠悠閑咁撘車返 City 交功課。入到 City 範圍之後發覺唔夠冷氣 ... 有點侷。交完之後同同學到又一城間老麥食個 Tea，食完就到灣仔拎返部 Wii。

一切都很順利，WiiKey 都是原裝。即場無得試，因為風聲緊，返到屋企試過幾隻都無問題。不過依家先發覺，原來 188 都無乜邊間係白店 ... 買 Game 就無乜所謂既，遊戲機就要留意下。雖然近期都係係金龜買，不過其實都要專搵個阿嬸先好幫襯。整機就去 GTR，其他都無乜點幫襯。極黑既鋪頭有一樓對正樓梯既「佳 __」，此乃黑中極品；還有一樓轉右既「山 __ 會 __」；其實我覺得一樓全層都黑，反而二樓就比較白 D，咁幫襯都係二樓個 D 啦，同埋二樓轉左既鋪頭感覺上係白 D 既。

真係放暑假了。



0714 @ Aug 04，好，睇 MythBusters。That’s All.