2222 @ Aug 05，開始。

今朝去游水。第一次約佢游水而佢又無遲到，值得一記。之前約親佢去游水都有遲無早，今次約於比佢洗底，Good！游住水都覺得熱，可想而知真係有幾熱。今日游水特別留意 D 救生員，果然同 Co 爺講既特徵一樣，個個都係一上更枱就除拖鞋「Long」住隻腳黎坐。

游完水之後又去左珊瑚佬食 Lunch，未食之前真係餓到腳仔軟。點解游水會攰成咁呢，明明都係 Hea游咋嘛。還有就係游完水好口渴 ... 感覺真奇妙 ... Order 了一客芝士焗燒牛肉意粉，但係個味道超似麥記既雙層芝士漢堡，原來芝士 + 牛肉係呢隻味。

食完就再傾下去旅行既事宜，幾好幾好，搵到個 Target！跟手去 Travel Agency 問下，又見到「白雪雪」，LOL。言歸正傳，原來 D 雜費 / 稅加加埋埋都幾多下喎，一 D 都唔平。如果去得成既話，個 Credit Balance 就會由五個位跌至四個位，係有多少唔捨得既。話晒家下無做補習，一下子無幾千銀就真係好難填得返。不過依家唔去又怕遲下更無機會去，所以都係去既。之但還有 D 細節要再睇下 / 傾下。

回到家試左幾隻 Wii Game 就一 Day 了，夜晚當然係 Harry Potter 啦！真係攰到震 ...



2339 @ Aug 05，到另一日。That’s All.