今日試下從另一個角度睇虧佬，當佢係「小丑」黎睇既話都唔錯，上完堂心情都唔係話太差既。呢 D 只係前奏 (咪諗歪！) 未上堂之前都諗過下翻唔翻下晏，之後落堂見得兩個人翻，咁就兩個人落銅鑼灣度食晏晝。今次既定位係中價 + 飽肚，咁就試下三越最底層個間《千登世》。

本來想食個 Set Lunch / 定食，不過前者怕唔夠飽 (呢個唔係我講。。) ，後者就怕浪費晒 D 前菜。咁就一個叫咖哩豬扒飯、另一個叫咖哩炸蝦飯。之後食落覺得 D 炸野都唔錯的說。咁食既途中打電話問下另一個朋友仔會唔會翻下晏，都唔記得邊個做惡魔叫佢落黎銅鑼灣食 Lunch (好似係我。。。之後仲要俾個唔關事既人話我，真不爽！)

咁阿新界區友唔曉銅鑼灣 D 路，咁就當然電話「教路」啦，之但係大家可能有 D 溝，不過似係自己問題多。。。將「大闡蟹店」變左做「海味店」、之後又玩野「(我) 見到電車站個邊千期唔好行。(佢) 咁即係相反方向啦。(我) 都唔係喎，個兩個方向都唔係，剩底就係直行個條路。」。之不過我預計路線係無 Bossini 的，俾其他人 Disturb 左，天殺的！佢幾經辛苦終於到步。

咁佢就叫左個 Set Lunch，另外原本兩個人就叫左甜品食。原來係《千登世》食要飲湯同風流，真係唔得佢死。。。之後就不斷灌水，我鍾意！自己都灌到幾激動下。灌水重點 ↓

1. 「頹」：做乜都無心情，又無體力的；「謝」：只係無體力，但有心情；「Hea」：有體力但係無心情，呵。對你個「頹謝廢」好有印象！
2. 哼，女人！哈，係咪立場完全相反呢。
3. 呢期興呢句：「Crying out _____ in the Centre of the World」，即係呢期大熱「在世界中心呼喚 _____ 」，鍾意放乜入個 Blank 都得。話時話，個套戲其實 OK 既。。。不過去戲院睇吧。
4. 另一句就係「唔好迫我，我唔想爆粗。」，呢句都用得幾密。
5. 哈，你地個個都有 DVDRom，仲以為你地無添，你地想要既野 → [Click Here]

其他一係唔記得一係就唔出得街，算把啦。唔知點解，灌得好開心下，全程都真係好搞笑。遲下可以試下去Cafe One 度灌，不過搵時間啦。另外個個野咪話小昆蟲電到粉碎，人都電死呢，小弟第一次見個舊野發揮作用。坐到唔知三點半定四點半埋單走人，$50+$90+$90，Um... 都算食大左多少啦，你仲話唔飽，分左都 OK 多飯過你。。。知足吧。

之後三個人去 188 度進貢，有人花左百幾銀買兩隻暴力熊匙扣，自己就花六十蚊買左套《DoReMi 扭蛋》，唔係講笑，真係好可愛，翻到屋企阿娘都話唔錯。計翻家陣 $10 一款，仲平個日本 (日本扭一款要 200Yen) ，正。之不過好重膠味，由翻到屋企個刻拎 D 公仔放係度吹吹，就黎睏呢刻都仲有多少膠味。另外 《Gumdam Seed》 對小朋友影響真係大，唔怪得之乜乜 Gundam 選舉都係 Seed D 人物/機體 上榜多。。。今日 → That’s All. 都係有多少頭赤赤，以後都係唔好用膊頭夾住個電話講，好攰。。。