好耐都未試過咁神心去做下功課，一早起身就做份 JavaScript (哈，其實一走都係個網度四圍逛，成十點先開始做)，做完又走去做埋上期份 Lab Exercise。到十一點到細佬撩我同佢打 Winning Eleven，真係俾佢激死，之前九點幾問佢打唔打又話唔打，到我就夠鐘出門個陣先叫我打。自己心癮又起，就走去同佢打一鋪，我用祖記佢就阿積士，佢主場。真係一心急就輸左一半，說時遲，杜林禁區鏟跌雲達華特領一面黃牌 + 被判 12 碼。當我望緊個鐘幾點既時候，細佬己經開左 12 碼仲要入埋。。。有無搞錯！！之後力追，有球迪比亞路笠龍笠得好靚，點知球證無啦啦判左查斯古特越位，最後兩邊闡都領晒黃牌。。。天殺的！

之後迪比亞路追翻球，之但係再輸多球。。。最後 2:1 輸左。。。我有兩球波被判越位，唔係就 3:2 (哈，係度賴地硬，不過唔係喎，真係輸個主場同輸無森保達！)。。。

因為打機遲左出門，順理成章就遲到。令人震驚既事出現係我眼前！？竟然無朋友仔翻到去！？有一個夜晚四點幾話我 XXXXX 咁就唔上堂。另外個幾個估佢應該都翻既。咁就坐左係一行吉行到，之後就有一位朋友仔翻到，都好 D，唔係一支公。之後再試打電話俾其餘個 D，一個搵唔到，一個話唔翻。咁就放棄左 D 位。之但係過多十幾分鐘竟然再有一個翻到！？咁問題又出現 →無位坐。結果呢就坐到最後最後，有多少鬱鬱不得志咁。咁之後都繼續做 Lab，做到咁上下 (其實一早做完，早知唔係屋企做。) 就走人。無他既，下晏都唔諗住上堂。但係走個陣又無同人講聲好似好衰咁。。。啊，Sorry。 ↓



翻到屋企煮野食 + 打陣 Counter-Strike + 同人吹吹水咁就到四點幾五點到，之後就做翻晏晝 Optional既 Lab Exercise，係屋企做特別得心應手，哈，唔洗用 NotePad打！咁做完 Share完咁就去打 Winning。

其實一翻到屋企諗住再同細佬打鋪 Winning，一雪前恥，之但係佢割禾青！再一次天殺的！咁唯有自己打，再用祖記對阿積士，先輸兩球 (個陣心諗唔係咁邪嘛。。) ，幸好最後 5:2 贏翻！贏係贏迪比亞路 + 森保達。

話時話，今日俾我搵到個網站都幾好玩下，聽日先 Share出黎，哈。夜晚都係 Hea下 Hea下咁就過左。That’s All.

是日至 Hit 對話 ↓




---
哈，尋晚唔得閒影相，今日襯得閒影左 D相。真係可愛到爆，呵呵呵。來個桃子小檔案先！



好！看圖！真係好可愛啊！特別係呢張 ↓



其他呢 D 都唔錯，呵呵呵。





不過都係拆開左一款，其餘個幾款未拆。。。因為唔知放邊好。。。Oh! My God... 暫時桃子就放左係電腦枱度，可以日對夜對，嘰嘰。