2037 @ Sep 22，繼續。

今日雖然 Day Off，但係返左 City 聽呢個強迫性自選既文化講座，關於漢字如何表意。估唔到都講得幾精彩！有 D 見解都幾獨到，亦有佢既理據。

大多數人都會認為漢字係表意系統、併音文字如英文係表音系統，其實咁講係無錯，不過咁講係無代表性。併音字是形 > 聲 > 意；漢字係形 > 意 > 音，好簡單的道理。不過其實兩種文字系統都有表音、表意的功能，例如英文「Right」同「Write」，發音相同，單靠發音未必能夠分出兩字意思，要透過上文下理或字母排列先得悉意思；又例如漢字「口」，看到「口」字知道意思係飲食器官，但係我地唔會將「口」讀「咀」，因為我地見到形「口」知道應該發聲為「口」而唔係「咀」。

象形字、會意字大都能夠從字既圖像結構表達意思，但係此方法最大缺點係精確度唔高，因為好多時估唔到原來意思。例如「出」既上半部係人既腳板、下方既兜係山洞，呢個意思真係唔講都唔知。某程度上透過音 > 意這途徑是比較準確。形聲字是否形符表意、聲符表聲呢？例如「鄺經理住在銅鑼灣」，聲符係「廣巠里主才同羅彎」，我地從聲符都能夠猜到原來的意思，反而從形符卻不能猜到意思。此外，亦有人話漢字「其類在左、其意在右」，又好似有 D 道理。換個角度說，英文等併音系統是分析性既表音方式，由多音組字；漢字是綜合性表音方式，一字一音。分別是後者可能用幾百個音符而前者可能係廿幾個。

講到呢到算啦，其實重有多少少野既 ...



2111 @ Sep 22，完。That’s All.