2158 @ Sep 22，「樂極生悲」。

朝約三個人玩 Wii，玩這個《Rayman Raving Rabbids》大勝，完全係力與技術既表現。不過玩到手都震埋，幾個人都手軟軟。輸左要覆桌、連 Fing 幾 Round 絕對唔係講得笑。其後轉戰《Mario Party》，呢個係運氣既表現，輸到仆直 ... 成日笑 CPU Player 水皮，Set 強個 AI 之後情況逆轉，真搞笑。

之後又返 City 聽呢個強迫性自選既文化講座，今次係關於漢字正音是甚麼一回事。今次既講者同尋日個位相同。咁依家大部份所謂「正音」既依據係來自宋朝《廣韻》這類中古的讀音書籍，但這種工具書用的切音方式、分類方式只能夠找出那些字是同音，而非讀音。例如同：「徒紅切」；徒：「同紅切」，兩者是互切既關係。如果不知「同」或「徒」等同音字的讀音，我們都不能從而得知那字怎樣讀。

「正音派」要求的不是現求現今漢字讀音跟上中古的讀音，而黎要求保留同音關係、符合韻書所寫的切音；如果讀音有變，都是有規律的變。但是那些規律是由那人定呢？沒有一個人或組織能制定，只是由人歸納出來。現今「正音派」人士說那些並非按主流演變的讀音為俗音，但正音也未必一定是正確的讀音。例如「蝸」，現今我們讀「鍋」，但是根據《廣韻》這字應該讀「瓜」。但係我們都係讀「蝸牛」而唔係「"瓜"牛」，逐漸已經約定成俗，變為所謂既「正音」了。這些並非按主流演變而變既讀音其實都係規則既一部份。不常聽的讀音慢慢會被排斥，例如「于」：「於」，但其實應該讀「如」。根據《廣韻》，還有很多字的讀音和現代不同，例如「打電話」應該讀「"頂"電話」；「他」應該讀「"拖"」；「也」應該讀「"野"」。這此字的讀音都係「異變字」，並無類性。

講到呢道停了 ... 話分兩頭，FYP 又有新進展，不過都重未定。



2312 @ Sep 22，完。That’s All.