Um... Victor Bravo ! (中譯：維他萬歲！) 呵呵呵。當一個人跌到谷底既時候，就總會自自然反彈上來，家陣偶既情況正是這樣，心情真係好到爆，好有衝勁做多事呢，呵呵呵。不過今日其實都無乜野做過，自己 Day Off 自己既感覺真係好正，哇架架哈。

今朝都 OK 早起身，係網度四圍逛逛打陣 Winning 就十二點幾，由那一刻開始就開始今日既「Func 機」 (即係開大喇叭播音樂) 。「Func」到六點幾 (哈，成日屋企都無人，細佬出街打波，翻黎話我知篤魚蛋，抵佢，哈哈)，聽左好多平時好少聽既歌，有 D 歌真係好耐都無聽過，今日聽翻又有另一番感受，尤其係 D 動畫歌。

除左聽歌之外，今日同人 Chat 左成四個幾、五個鐘，家陣諗翻都覺得厲害，可以講咁耐，不過其實有一兩段時間都有多少口水乾的。自從前排「正常」翻以來都好耐未試過俾人話「唔好低能la」。。。看來真的翻來了。。。話時話，又係講到化妝個陣俾人話，真是呢。。。

另外諗住一路都以 N/A 既狀態 Chat 落去，之後 Switch 左去 Avaliable 一陣之後諗住再 N/A 翻，有人問我係咪唔得閒，其實唔係唔得閒，只不過慣左 N/A 無個個「喔噢」。正路我 Avaliable 一係悶到極點等人撩，一係就走開左先 Avaliable (哈，係咪好搞笑呢，人地走開就 N/A，我就相反) 。點解？因為要靠個「喔噢」黎話我知有無人留言唷 XD 。

話時話，呢幾日好幸運地俾我體會到「男人同女人諗野既分別」，唔係話幫男人，我覺得男人諗野比較顧存大局，會考慮好多野。咁當然女人都會，但係我覺得比較少 D 啦。當討論某個話題，真係估都估唔到人家會有咁既意見。

今晚真係名副其實做個「奶仔」，淨係打 Diary 呢十多分鐘裡面就飲左三盒鮮奶。天殺的，三盒都聽日到期，又無理由浪費呢，唯有飲晒佢，唔知今晚會唔會肚痾呢。

最後，貼多幅桃子 + 音符相，今次換個另一個角度，感覺好似比先兩張相好，好似有一種「神髓」咁，呵呵



另外今日咁岩係電視睇到林保怡講左句幾正既：「退一步海闊天空，看不開便跳下去。」，真係幾爆下，哈。That’s All !

---
哈，今日終於拆多款出黎！今次到 :: 瀨川音符。



首先來張未拆之前既包裝，看清 D 會見到一些意想不到既野，係右下方的。



Close Up！好萌呢 ～★



呵，係捧住 D 唔知乜野喎。 XD



從另一個角度睇下 ↓



音符 + 桃子 = 爆可愛！



來張全身既，一樣咁可愛！



呵呵，今次個景係細佬張電腦枱，佢張枱多位 D，YeaH！