2145 @ Sep 26，今日都唔記得晒發生乜事 ...

依家記得既有 ... 晨咁早返學，早左少少返；個 Instructor 就遲左少少到。今堂都無乜特別既，都係 Hea 下 Hea 下就落堂。我都唔明白點解次次都遲落堂？已經比左三個鐘比個 Instructor 講，咁都講唔夠不如講少 D 吧。之後上 CCIV，即係講下中國文化既堂。Instructor 把聲超磁性，磁到成班同學都打瞌睡 ... 有 D 就上半堂睏、有 D 就下半堂睏。唔係話想睏覺，對眼皮都不斷爭紮、抖震，始終都係瞌著。咁經過 Form 7 Econ 堂吸收既經驗，上堂眼睏就一定要睏左先，睏醒左就有精神去聽啦。Good。

食個 Lunch 買 D 野就上埋今日最後一堂，呢堂好 D，無瞌睡。今堂講左日本神道教是甚麼，都知左 OK 多野既，幾資訊性。不過到 Final Report 就唔知寫乜啦 ... 到時先算啦。

今日中秋，都無乜特別既。係九龍塘見到個月光，係幾圓既，不過就多雲 D 啦 ... 紅磡巴士站好似打仗咁，都未見過撘 107 要排隊排到上橋。又咁好彩有 170，咁先唔洗等幾架車先上到車，算係咁啦，出左紅隧就有位座，再一次算係咁啦。

回到家都無乜特別了。



2232 @ Sep 26，好，就出發。That’s All.