2249，終於出發啦。

今朝難得睏到十一點幾，好耐未試過吧。咁起身就繼續執下野、打點下作最後衝次。與此同時，晏晝玩過《Mario Strikers Recharged》，電腦真係屈，可能我未諗到屈電腦既方法掛 ... 算吧。晏晝最後衝次過後就出發到機場，「的士 → 機鐵」的確係條好路！A10 陰人架，真係無老點！條好路大約 60 分鐘就去到，快到震。

咁係機場 Check-In 後等左好一段時間，等肥細佬 D 同學黎送佢機，坐 A10 咪就係遲 ... 太遲黎既話見得十零分鐘走就無癮啦，好彩都見到有 55 分鐘，算無蝕啦。如果真係如約定時間到，咁就重好添，依家起碼遲左 40 分鐘！肥仔等個陣都幾無癮，佢都有幾分驚恐掛在臉上，萬一真係等唔到就笑爆咀了。其後分枱食個晚飯，「美心閣」D 野食真係麻麻地到震 ... 食完之後分堆係呢個極老土既離境鏡頭影幾幅相 ↓



呢張係之前去旅行影既 ... 話分兩頭，好難得識左 12 年都有 Keep 住聯絡喎，數錯年數咋嘛。如果識左 12 年，咪即係 6 歲個陣識？一年班咋喎。而我識得最耐既朋友係 10 年。雖然話識得耐唔代表一定熟絡，不過共同經歷既事多 D 點都熟 D 既。

由放榜到依家一個月多 D 就已經搞掂晒出國留學既事宜，算幾快手啦。咁岩家庭經濟上許可、又咁岩還有朋友係外國住緊，唔係想讀都無得讀啦。希望肥仔能夠一洗多年頹風、努力讀書啦。今次乜人情都洗晒啦，包括帶肥仔入拯溺界既 Co 爺、幫手買 Notebook 既 +hung、最重要係幫我手睇住肥細佬既阿欣，Thank You So Much！



2309，又係時候抖下。That’s All.