今日都算節目豐富，晏晝去左 APM 試這個「Pepper Lunch」，就係食鐵板乜乜物物既，有牛、雞、三文魚。就係呢 D ↓



香就幾香既，可能加左大量黑椒。我個份係霜降牛扒，加個 Set 就盛惠 $80。咁既價值都有返咁既質素，我覺得唔錯既。不過可能係 Peek Hour，塊鐵板唔夠熱，見到人地個塊板出晒煙我個塊就平淡似水 ... 整體黎講，都 OK 既。

食完之後就吃埋個滿記甜品，OK 啦，甜品好難唔好食既。咁就係 APM 行下，睇下 Color Laser Printer，看中 HP 某隻 Model。雖然算係 Color Laser Printer 中體積較細，不過都幾大部，都要執執 D 位先放得落。屋企部 Ink Jet 唔係話唔用得，其實印出黎既野都幾有質素，不過有時想話印多少少野既話又花時間、又唔擺得耐。所以都有需要買部既，如果之後真係教書的話。

如是者，行完 APM 就出發到海港城，都係四圍行下。係 Hong Kong Records 睇下碟咁。Avril Lavigne 出左隻 Concert Live DVD，好似幾吸引，不過都無買到。繼續行啊行，行到咁上下就買左少少戰利品，遲下補相。夜晚就試這個 Double Star Restaurant，食左個 Set ↓



老老實實，真係麻麻地。唔太難食既，不過講唔上好食。好肯定既就係唔抵食 ... 氣紛 OK 既，不過真係唔抵食。結論係，如果唔係 Credit Card 有 Promote，一定唔會去食。哈，都可能無下次。

食完就行下海旁，港島夜景 ↓



空氣都係唔多好，矇矇地咁。如果想影得好，都要等天氣最酷熱、或者打風前個一排先有機會了。

本來想試下「糖朝」既，不過唔夠時間吃。唯有下一次吧 ...



That's All.