唔知點解 ... 每個禮拜四好似係最有時間同最有動力去打日記既一日 ... 好似變左週記咁。先來一首 Mr.Children 新既舊歌《HANABI》↓




講返呢幾日既事先，今個禮拜一。朝早收到 IED 打來既電話，話個 Field Experience Co-ordinator 想見一見某幾位同學，我係其中一位，咁就要當日下晝返去 IED。如是者，咁就返左去。都唔係話特登返去既，反正當日下晝都要返去傾 Project。咁其實都估到關於 D 乜野，都係 CMI EMI 問題。不出所料，果然係呢個問題。去到既時候，考下英文 Oral，無乜特別，順利通過。最後就問我去 EMI 學校實習有無問題，無乜問題既。個 Co-ordinator 話會派去港島某間 EMI 學校，當晚就係度諗，數來數去，EMI 得黎又唔係超名校既，其實都係個幾間。最大機會咪 LMC ...

好啦，去到禮拜二。八號風球 + 狂風暴雨，返屋企既時間由唔洗兩個鐘變成三個鐘先返到屋企。其實交通情況又無想像中咁嚴峻，可能我本身遲走。開頭諗住撘穿梭巴士會穩陣 D、快 D，點知係車上面等左至少半個鐘，等到架車滿晒先開車 ... 有好有唔好，好既咪避晒 D 繁忙時間、唔好既咪晏左返屋企。就係撘車返去既途中，收到老師電話，咁就已經非官方確認左係返去 LMC 實習。Very Good，夠晒近，行返去實習。比起依家千里迢迢咁返學，的確係疏乾。

昨日，有同學從 Doctor 口中得知我地去邊度實習，宏觀黎睇，點都係我最近。咁要近過我唔係唔得既，但係好難，呵。有同學遠到由九龍去到柴灣實習，真係 OMG。夜晚就再繼續兩週前既查經，係幾唔錯，不過下次查經又要隔兩個禮拜就耐 D。的確係有顆渴慕既心！

今日朝就有這個 Group Presentation，我自己無驚無險，有位同學就有驚無險。可能已經習慣左 Group Presentation 既不良運作模式。咁都係有分工無合作，各有各講。不過得出黎既效果又唔係真係咁差，都 OK 既，只係 Present 得耐左 D。如是者，咁就一天。



呢 D 就係呢幾日發生既事。話分兩頭，我們凡事都應該感恩，特別在順境的日子最易忘記。「感恩」可以話係呢期既主題。That's All.