尋晚其實睏得頗好，睡眠質素高且睡眠量又多，仲造了一個好夢，可能日有所思夜有所夢唷，家陣諗翻都幾滿足，呢個係報夢還是神既啟示，呵呵呵。其實今朝係可以起身翻學，不過八點零鐘個陣係張床度輾轉反側一輪，就係諗緊翻定唔翻學，最後用行動決定，知醒既就翻學，唔知就算數。反正小弟今日都想溫下書。最後係無翻到。

之後十點幾起身，同人 Chat 一輪。呢兩日都有同人講開天秤座既人，天秤仔通常都係好男仔 (好似我咁 A_A”) ，不過致命缺點肯定係 → 猶豫不決。點解會咁呢？有無辦法可以解決？另性格係較情緒化 (噫，我又中喎！) 。不過講開又講，有無人識 D 水瓶座、雙子座或者天秤座既女孩子 (最好就天秤女)？有既介紹黎認識下，肯定會岩傾 (哈，我話既！大家都係風象星座。) 。

本來晏晝十二點前想出門架喇，點知自己姿整又咪麼，結果係十二點半先出門。其實係個段時間諗住成日 Day-Off 架，不過見放人飛機好無道義咁，咁遲到好過無到啦。

等我講 D 可能令佢兩個覺得好 Charm 既野先。說實在，So Far 我覺得我好似好對唔住你咁，又好似成日放你飛機、甩你底，有時又由得你一個唔理你咁，我可以講既就只係「I’m guilty.」。雖然我知你肯定唔會戒意，但其實自己都覺好有問題呢。成日都話將心比己，自己都知道被人冷落、無人理係有幾慘，但係自己就咁對你，真係非常唔好意思。另外自己覺得好似「教壞」左你咁，成日老點你去 D 無必要既地方花錢，印象最深既就係齊齊去飲個 D 貴個一個 Lunch 既 Coffee，講真，真係貴的。另外我覺得你太「林」了，好易俾人食左都唔覺，要有自己原則先得，有意見的話真係要話俾大家聽呢！

另外一位被害既程度更深。。。除左被呃去「高消費」外，仲被我「怨念轟炸！」，次數都幾多同密下。哈，閒來又被我惡言相向，不過你同我唱雙簧又幾有趣呢。有時你唔上堂既話我真係會好悶的說。。。樓上個位俾我既感覺係完完全全唔同你俾我個種感覺。唯獨你是不能取替呢。咁所以你唔翻我都唔翻了。。。(這是你的責任呢！) 。哈，你家下走堂我都唔迫你了，努力吧。總知得閒就飲 Tea 食 Din啦，話晒大家都係港島區友，要聚都方便 D 唷。

其實一路都話係 Poly 識唔到人 (雖則呢個係個 Fact 黎。) ，但係識到你兩個已經好好彩了。不過貪心 D，如果可以識多一個人揍夠四個人既話你地話幾完美，唔洗做乜野都好似唔夠人咁。

返回正題，佢兩個真係好似深受我毒害，咁約左佢兩個 Lunch，我就遲到，本來都同佢地講係都會個 FoodCourt 食，不過佢兩個竟然話個度無野想 / 岩食 (當你打電話俾我既時候，我真係有多少教壞你地既感覺。。。) 之後佢地去左《小魚滋味》食，都唔錯的說。自己無叫到 Lunch 食，主要係個陣心情唔好，無心機食，剩係叫左個「芒果涼粉」，下次都係叫「楊枝甘露」算吧。

重點來了！文、理、商三科既學生遇上一位說普通話既人問路，理科學生死撐地聽完個段普通話，再用廣東話講次俾文、商兩位學生，大家討論完之後結論係「唔識。。。」。商科學生就用普通話講翻句「我不知道。」真係激爆笑。這位商科學生不用難為情呢，呵呵呵。當大家心神一定之後，疑問就出來了！為甚麼這位文科學生不懂普通話呢！害理、商兩位學生死充大頭鬼。天殺的！仲話讀文科喎，「癡」字又唔識寫、「obsolescent」又唔知中文係乜。。。(哈，唔好怪我，無心的。)

話時話，今日 Account 都算學左 D 野，多謝你了，商科既學生！不過我想話我印既 Note 唔係防水的，絕對係遇口水即化！你兩個真係激死我。。。不過文科學生個疊 Notes真係令我歎為觀止！

那麼就一天了。

另外仲要講既係 ↓



噫！不錯呢，有靚姐姐刺一刺激下我。



這個就好婉惜了。。。

---
這個「經前症候群」又發作。。。唔知點解突然好 Down。。。學都唔想去翻，本來仲諗住今日上足咁多堂。。。又係時候約人去飲下咖啡傾下計了。今朝同人傾開做男定做女既問題，如果未出世之前有得揀，我係會揀做個女孩子的，假設我現在既技能、性格能夠保留。說實在，情緒變化又比女孩子大同快、技能方面除左對電腦認識多少少之外，其他都頗女性向的。所以做個女仔都唔錯，再加埋我有性格，簡直一絕，肯定勾引到巧多男仔架，可惜既係現實我係一個男仔，要求既野係完全唔同。 (拿，咪想歪，無諗過去 Transsexual 的！)



另外補翻尋晚想講既野，首先呢，想推介首歌俾 D Bosom Friend聽下，係 Backstreet Boys既 《Shape of My Heart》，留意下歌詞呢。


Baby, please try to forgive me
Stay here
Dont put out the glow
Hold me now
Dont bother
If every minute makes me weaker
You can save me from the man that I’ve become
Oh yeah

CHORUS
Lookin back on the things I’ve done
I was trying to be someone
Play my part
To get you in the dark
Now let me show you the shape of my heart

Sadness is beautiful
Loneliness is tragical
So help me
I cant wait this long
Oh no
Touch me now
Dont bother
If every second makes me weaker
You can save me
From the man I’ve
become....

CHORUS

I’m here
With my confession
Got nuthin to hide no more
I dont know where to start
But to show you
The shape of my heart...

I’m lookin back
On things I’ve done
I never wanna play the same old part
Keep you in the dark..
Now let me show you the shape of my heart....

CHORUS X2

Show you the shape of
My heart....


都唔知講乜了，一句「Thank You」吧。講得太多就唔 Grand 架啦。

其次就係戴帽既講究，剩係講鴨咀帽。戴呢種帽切忌「笠」得個頭唔實，一來就 MK、二來又個頭會巨大化，都唔知點解 D 人會咁戴，又唔係真係咁好睇姐。其次就係個鴨舌最好係水平位置，朝向天的話某程度上好似「小朋友」咁，朝向地的話就好似連環殺手。另外要留意的是本身既頭髮，如果後尾枕係無乜頭髮的話就要小心戴完帽之後好似「小明」咁 (話似抗癌勇士都得，尋日聽翻黎。) ，總之就要小心啦。另外係長頭髮的話都要留意，得既就就紮條馬尾，係頂帽後面個窿位「隊」條馬尾出黎，女孩子咁做的話會睇好睇同幾可愛，放而放晒落黎既話效果可能好極端，一係好好，一係就好差。不過講左咁多，戴帽就一定要留意前額會唔會戴到好癢 / 油，兩者都好容易令到出暗瘡呢，要勤洗額頭先得唷。