今日心情非常靚，原因係朝早俾我既感覺非常好，有陽光又有微風輕送，令偶既心情變得非常靚！

1. 這個飲茶活動可以話成功，亦都可以話失敗。咁今朝急急腳做完 Lab 去 M 度等，等左半個鐘度啦，本來可以同友人行去搵位先，但係另外個兩位又唔曉路，唯有侷等半粒鐘，就係 M 既邊位同四支旗桿坐係度，陽光真係唔錯，晒一晒人都精神 D，日光浴好野黎！不過點知點解三個人六隻眼再加一個人兩隻眼都會見唔到大家。。。真係好邪。。。

四個人就就朝著美麗華商場行，行左條迂迴既路去，不過唔緊要，有既係時間，行下會健康多少。去到之後就發覺有多少唔對路，都無間似平既酒樓既。。。得東海、雪園同富豪酒家。最後入去富豪酒家之前講左句「入喇喎，大家咪後悔啊。」。

果然，見到個 Menu 咁精美都覺得有多少奶野 Feel 架喇。。。一望個小點係 $9、再望中點係 $22、大點就 $28。。。再望望個 D 炒麵飯，拉均 ~$100 碟啦。除左我之外另外個三個人睇晒個 Menu ，特別有一個露出一臉無奈既表情，個樣真係好頂癮。另一個就表現冷靜，再另一個就話再我話事 (好大壓力喎阿生。) 咁就叫左四個小點、一個中點、一個大點再加過炒飯。哈，都未試過食果 D 花生，今次食左好多呢。點心方面就一般啦，不過個福州炒飯都幾得下，真係幾好味。

大家估下食左幾多錢？$304 連加一 ← 反白看看吧。上次五個人食到爆肚都係咁上下價錢，不過今次食少左好多野呢。我就夠飽啊，不過肯定另外三個就唔飽啦。哈哈，無錯，係我害大家的！不過都無辦法，唯有大家剩下既日子 Lunch 一係屋企食，一係就波仔飯啦，哈哈。

哈，既然是這樣，倒不如那樣吧，大家食隻阿翁胞魚！唔食胞魚都黎個金山勾翅啦！下次翻去香港仔個頭喪叫點心！呵呵。本來聽日再飲過都無問題，頂多 Day Off 自己，不過你又話密得濟。

PS. 說實在，你個耳窿釘得幾好睇呢，夠晒平衡，$25 抵啦。

2. 其實尋日想講，不過家下先記得。識另一半難，但係識到個知己更難，英文即係 Bosom Friend。好好彩身邊都有呢類 Friend，說實在，大家講係依家既關係係乜野既時候，我會好坦白講無左你唔得，雖然大家唔係成日出黎飲 Tea 食 Din，但係好朋友唔會因為咁而疏離。無錯，有時一個人靜下來既時候我係會覺得孤獨，但係一諗翻你個句說話就會覺得「係喎，洗乜咁擔心呢。」。

難得遇到知己，我會不惜一切去保持住呢段關係。有人能夠瞭解自己甚至比自己更瞭解自己的是好幸福呢。真係唔想失去呢種朋友。

PS. 唔係剩係同佢講的，還有你、你、你同你，雖則有 D 成日 Tea 同 Din，但都叫岩傾岩玩。

3. Um ... 我知道自己脾氣係大，今日睇完冷知識話男人都有「經前症候群」，我似乎將呢個症狀完完全全表露晒出黎，呵呵。雖則係咁，但係 I Love My Attitude Problem. YeaH ～★



4. 如果有涼子姐姐大脾賣的話我會買翻個的，真係好搞鬼啊，哈哈。



5. 估唔到佢會咁醒目會做個件事，真係有多少意外。。。

6. 呢個解唔解答到你既問題？

個 Miranda 度有得睇：


係個 Web Control Panel 度又有得睇：


7. 非常好，估唔到會有人睇《The Lion King》，真係好正呢！都估唔到原來你係宮崎駿迷。估唔到大家都有多少圈子係相同，好遺憾，我到呢刻都未睇晒所有宮崎老師既動畫電影，最想睇多次就係《再見螢火蟲》，想當年喊到九彩。。。另隻 Disney Magic 巧正架！



最後，我要在世界中心呼喚唔制！！我要眼大大、白白淨、少少蠢、好可愛既老婆！最好就有涼子姐姐級！呵呵。



講晒！好睏，睏覺！聽日都無乜心機翻去上堂。。。That’s All.