今日終於去左睇戲，話睇話左好耐。咁尋晚上網買左飛，係睇這個《翻生侏儸館 2》。尋晚買個陣重見到好多位剩，調返轉黎講，只係賣左十零張飛，渠 G 重話即場買都重有位添。睇之前就去左 JP 廣場既 Spaghetti House 食 D 野，好耐都無食了，不過其實個下午茶 Menu 唔係太岩吃，無乜飽肚野。話分兩頭，JP 廣場開左兩間新食肆，都係同一個集團，一間食 Rice Pizza、一間食拉麵，搵日都想去試下。

好啦，入正題，呢套《翻生侏儸館 2》都值得看。開頭咪話無乜人睇呢場既，但事實係都有八成滿，唔講得笑架，好在一早買左飛咋。有 D 人話比第一集無咁多驚喜，咁呢個我都承認既，可能有 D 野第一集已經笑左，今集再出好似無咁搞笑。好在我無睇過 Trailer，聽聞最好笑個 D 係 Trailer 播左出黎。之但係 $70一張飛黎講其實唔值，$55 就差唔多。睇完呢套，下套就睇就落畫既《天使與魔鬼》，希望睇得到啦。

話咁快 Gackt 就出道 10 年，呢期有 D 慶祝活動咁，就係每週出一隻 Single。第一張就係《小悪魔ヘヴン》，Gackt 首次跳舞 ↓




睇完之後第一個感覺係好搞笑，Gackt 跳到好似 DJ Ozma。其次就係，Gackt 好似咪咀，真係有多少失望。



That's All.