好啦，有驚無險又完左一個禮拜，該做既野其實都未做好，只好盡趕。其實依家備課既進度都係兩日前到備好課，都趕趕地。其他個 D 行政上既野都未做好，真係身心俱疲。再來隱悔一下，話說今日有個高年級既講座，咁我就編左去睇班能力稍遜既班別，結果問題當然來。咁分兩邊坐，我個邊剛巧坐左 D 能力稍遜既班別，加上其實個講座都真係 OK 悶，佢地郁來郁去、傾計其實都可以理解。不過傾到好似開 Party 咁就真係過份左 D。差不多要 Keep 住係咁勸佢地坐好 D 佢地先坐好，你一行開佢地就發作。咁都試過叫學生調一調位坐，都合作肯調位。不過都係坐唔定，唯有一轉身就拍拍佢膊頭提示佢坐好。總算有效既，不過處理得一個，但重有十幾個都係咁，分身不暇。男學生都算易 D 處理，D 女學生真係煩到爆廠。唔係歧視，不過 D 體型較胖既女學生係特別難處理，都只可以見步行步。

話分兩頭，某 D 年資都幾長既同事對住 D 能力稍遜既班別都教到媽媽聲。所以話 ... 學生問題唔係剩係得新人遇到既。慶幸未要教 D 已成精既班別。



That's All.