好啦，時間飛逝，咁就返左一個月工。剛上網 Check 左戶口，糧都出左，非常好。得閒就轉返 D 錢去適當既戶口！通常就係咁，無錢有時間，有錢個陣就無乜時間。之前講個 D 24" LCD Monitor 計劃有了本，但係無時間去搞，唯有再等下。
講下呢期返工有乜趣事先，先來家母正日生日個天，有學生問候佢，結果就回禮比左個缺點學生。事原係個位學生不嬲都係活躍份子，咁入禮堂聽講座見佢兩頭望，所以都叫佢出黎勸下佢陣間聽講座個陣乖 D。見佢聽個陣都兩頭望，咁就講多幾句。都係勸佢唧，點知個學生無啦啦話，阿邊個邊個都有點解話我唔話佢，跟住我話逐個慢慢處理，點知個位學生就好燥咁講左粗口。佢講粗口個刻唔係講得好嬲，都無任何唔開心既感覺，可能遇左。最大既感覺係「麻煩」，講乜鬼粗口，又要出缺點小過、又要輔導、又要打電話比佢家長，幾百萬樣野，驚我唔死咁。如是者，學生講完粗口之後就同佢一齊去教員室，比張剛買一日既新摺櫈比佢坐，叫佢坐係度冷靜下。坐左幾分鐘，叫佢飲啖水順下條氣，跟手寫「口供紙」，磨左半粒鐘放返佢上去。原來呢個學生都因為講粗口而拎左小過，有前科。本身都係度諗缺點定小過，乃念佢一時火遮眼，就缺點吧。不過都無啦，之後叫佢搵下我，再傾下計，但係佢都無黎。師生關係就咁破壞左，都唔怪學生既，佢讓我學識點填張獎懲表，比個機會我實戰輔導及與家長對話。即係咁，唔係話學術成績好既學生唔講粗口，只不過佢地識得適當時間做適當既野。呢方面，學術成績差既學生就係呢方面做得比較差。大家識做自然好做好多。
早排開左個大既小組會議，有高層係度，我呢 D 微塵都係齋坐。之但係，開會係睇到好野既，又上多一課！話分兩頭，講開走廊 D 欄好矮、又無窗框，之但係佢地又無話跳落去，都幾愛惜自己生命。不過佢地又會扔 D 野出街，佢地就唔愛惜別人既生命。被有意誤傷既新同事返校，見佢無乜大礙，非常好。
講完返工既野，講返工餘時間既野，先來繼續整「相片集」，再來就係 T-Shirt，初稿就係咁，都幾得意 ↓
有 D 細緻位要再執執。跟手唔記得邊晚無啦啦去左 Haggen-Dazs 食雪糕，就叫左呢兩款，開頭以為係主打雪糕，原來係飲品 + 雪糕 ↓
我個杯係 Season Special，以綠茶為主，綠茶加奶係幾好飲！不過飲完奶始終肚仔痛，哈。食完之後見到有雪糕月餅喎，個心都郁郁地，不過都處於考慮階段。之但係其後渠 G 比左盒冰皮過我，咁回禮就買左盒雪糕月餅過佢，就係呢個「圓滿心意」 ↓
明明過左預售期 1，但係就比左個預售期 1 既價我，真奇！正所謂「時間飛逝」，咁就邁向四周年，渠 G 話有一籃子既活動，其實係無既。禮拜日到左海港城逛下，係 CitySuper FoodCourt 食左個 Late-Lunch，食完就到我地想食成年既「糖朝」食甜品。點解咁想食，因為我地係日本見過，就係呢日。咁就叫左呢三樣，有楊枝甘露、混醬腸粉同生果豆腐花 ↓
其實真係無乜特別，同普通糖水甜品鋪既差唔多，分別在佢要計茶錢同加一。無無聊，我都唔知指緊乜 ↓
食完之後又返去海港城行下，家母打黎話夜晚無飯食，咁就係海港城吃埋晚飯。吃之前就去 LCX、CitySuper 行下，買左本平實無花巧既簿仔當 Schedule，本想買靚少少，比人阻止。另外買左個鐘，諗住換左舊個個或者帶返學校用。好多野都好得意，都有興趣買，不過只要我地減少衝動性消費，就會慳多好多錢！
不過夜晚又食貴少少，去左另一間吉列專門店吃，叫「HIP Katsu」吃，價錢平均比「とん吉」平 $10-20，唔洗等位，就係呢間 ↓
呢間係新開，之前係麻布茶房。都坐得 OK 既，不過就唔明點解向商場個邊係落地大玻璃，好似比人睇住食野咁，應該加返 D 野遮遮好 D。食物方面都 OK 既，係豬扒難咬 D，整體上覺得「とん吉」好 D。以唔洗等位黎講，真係算係咁。最重要既係 ... 我點醒渠 G 佢個種將好食既野放晒最後先食既食法係唔好！咁搞永遠都係食凍晒既野。
好喇，到尋日學校旅行。唔知點解，係零期待甚至寧願正堂返學日子都唔太想旅行，上年都唔係咁，詳情 在這。一返到教員室就見到平時見唔到既情景，大家知唔知係乜呢？就係同事們都好努力咁食早餐，佢地話去到就無乜心情 / 機會食野。如是者就冒雨出發，去到係荒山野嶺，得一個「喂蚊亭」。我無去個亭但係都比蚊咬左啖，已經係長衫長褲去，點知隻蚊咬頭，真該死。都估到今日會落雨，都勸過 D 學生唔好燒野食，不過死都唔聽。有一組就帶左一大把太陽傘去，不過聰明既同學疑似無諗過點樣捆把遮，最後佢地都搞得掂，掌聲。另一組十鬆人，要比更大更多掌聲，佢地非常合群，好多人負責擔遮遮住個爐，又有同學擔遮遮住遮住爐既同學。起好爐之後，又有好多位同學拎起膠檯布當一個幕咁遮住個爐。雖然佢地好狼狽同全身濕晒，但睇見佢地都開心既。真係唔好講笑，我都係主力企，但係全身都濕晒。皆因超大雨，所以都係去左一個鐘左右就撘車回校。一早唔出發咪幾好 ... 同學一樣玩得開心 ，反正都係換景燒野食。如是者學生就玩到放學 ... 亦因為咁，晏晝就有得食麥仔而唔係麵包。
全身濕晒，放工後回家沖個涼換件衫再落銅鑼灣吃 Dinner Buffet。話咁快就三周年，特登去 Cafe One 試下。咁都 OK 仔既，好在訂左檯，唔係就要坐 Bar 檯。咁其實都 OK 既，始終辛苦完一日胃口都唔會太大。搵食期間，成日都見到有人食長腳蟹腳，但又唔見出面有。疑似一出就比人拎晒，之但係又比渠 G 拎到三隻腳返黎。不過我對呢 D 凍肉無乜興趣，少吃。渠 G 第一次吃，話咁快就學識點樣開腳，可惜大家睇唔到佢既表情，非常盞鬼 ↓
醒目！不過我地見到三個人，真係黐左線咁。本身佢地都頗遲入座，咁一行三人，一男一女一老女。佢地放低 D 野就全部出動搶食，個男人真係黐線，一個人喪拎野食，係一次過拎勁多勁多。掉返轉黎講，其實係自私既行為。蟹腳成盤拎返黎，疏乎里一拎拎半打，其他龍蝦仔、蜆又係成盤咁拎。咁樣衝其實真係好唔要得，雖則話係比左錢就有權食，但都唔係咁食法，浪費晒食物既味道。真係對佢地三個人冷眼，太醜陋了。
食完之後影下貼紙相，逛多陣就回家去了。如是者就慶祝左三周年紀念，平淡中渡過，Very Good。
好啦，今晚要帶隊去哈囉喂，都係兜心口打完幾鎚再拍膊頭，是但啦。江湖傳聞係有學生驚到出唔返黎，要帶隊既同事去「救」。不過 ... 其實我唔玩鬼屋，都真係唔知點救，唯有搵定自己班 D 猛男幫手。唉，唔係正門入，都唔知點去，都係見步行步 ...
That's All.
講下呢期返工有乜趣事先，先來家母正日生日個天，有學生問候佢，結果就回禮比左個缺點學生。事原係個位學生不嬲都係活躍份子，咁入禮堂聽講座見佢兩頭望，所以都叫佢出黎勸下佢陣間聽講座個陣乖 D。見佢聽個陣都兩頭望，咁就講多幾句。都係勸佢唧，點知個學生無啦啦話，阿邊個邊個都有點解話我唔話佢，跟住我話逐個慢慢處理，點知個位學生就好燥咁講左粗口。佢講粗口個刻唔係講得好嬲，都無任何唔開心既感覺，可能遇左。最大既感覺係「麻煩」，講乜鬼粗口，又要出缺點小過、又要輔導、又要打電話比佢家長，幾百萬樣野，驚我唔死咁。如是者，學生講完粗口之後就同佢一齊去教員室，比張剛買一日既新摺櫈比佢坐，叫佢坐係度冷靜下。坐左幾分鐘，叫佢飲啖水順下條氣，跟手寫「口供紙」，磨左半粒鐘放返佢上去。原來呢個學生都因為講粗口而拎左小過，有前科。本身都係度諗缺點定小過，乃念佢一時火遮眼，就缺點吧。不過都無啦，之後叫佢搵下我，再傾下計，但係佢都無黎。師生關係就咁破壞左，都唔怪學生既，佢讓我學識點填張獎懲表，比個機會我實戰輔導及與家長對話。即係咁，唔係話學術成績好既學生唔講粗口，只不過佢地識得適當時間做適當既野。呢方面，學術成績差既學生就係呢方面做得比較差。大家識做自然好做好多。
早排開左個大既小組會議，有高層係度，我呢 D 微塵都係齋坐。之但係，開會係睇到好野既，又上多一課！話分兩頭，講開走廊 D 欄好矮、又無窗框，之但係佢地又無話跳落去，都幾愛惜自己生命。不過佢地又會扔 D 野出街，佢地就唔愛惜別人既生命。被有意誤傷既新同事返校，見佢無乜大礙，非常好。
講完返工既野，講返工餘時間既野，先來繼續整「相片集」，再來就係 T-Shirt，初稿就係咁，都幾得意 ↓
有 D 細緻位要再執執。跟手唔記得邊晚無啦啦去左 Haggen-Dazs 食雪糕，就叫左呢兩款，開頭以為係主打雪糕，原來係飲品 + 雪糕 ↓
我個杯係 Season Special，以綠茶為主，綠茶加奶係幾好飲！不過飲完奶始終肚仔痛，哈。食完之後見到有雪糕月餅喎，個心都郁郁地，不過都處於考慮階段。之但係其後渠 G 比左盒冰皮過我，咁回禮就買左盒雪糕月餅過佢，就係呢個「圓滿心意」 ↓
明明過左預售期 1，但係就比左個預售期 1 既價我，真奇！正所謂「時間飛逝」，咁就邁向四周年，渠 G 話有一籃子既活動，其實係無既。禮拜日到左海港城逛下，係 CitySuper FoodCourt 食左個 Late-Lunch，食完就到我地想食成年既「糖朝」食甜品。點解咁想食，因為我地係日本見過，就係呢日。咁就叫左呢三樣，有楊枝甘露、混醬腸粉同生果豆腐花 ↓
其實真係無乜特別，同普通糖水甜品鋪既差唔多，分別在佢要計茶錢同加一。無無聊，我都唔知指緊乜 ↓
食完之後又返去海港城行下，家母打黎話夜晚無飯食，咁就係海港城吃埋晚飯。吃之前就去 LCX、CitySuper 行下，買左本平實無花巧既簿仔當 Schedule，本想買靚少少，比人阻止。另外買左個鐘，諗住換左舊個個或者帶返學校用。好多野都好得意，都有興趣買，不過只要我地減少衝動性消費，就會慳多好多錢！
不過夜晚又食貴少少，去左另一間吉列專門店吃，叫「HIP Katsu」吃，價錢平均比「とん吉」平 $10-20，唔洗等位，就係呢間 ↓
呢間係新開，之前係麻布茶房。都坐得 OK 既，不過就唔明點解向商場個邊係落地大玻璃，好似比人睇住食野咁，應該加返 D 野遮遮好 D。食物方面都 OK 既，係豬扒難咬 D，整體上覺得「とん吉」好 D。以唔洗等位黎講，真係算係咁。最重要既係 ... 我點醒渠 G 佢個種將好食既野放晒最後先食既食法係唔好！咁搞永遠都係食凍晒既野。
好喇，到尋日學校旅行。唔知點解，係零期待甚至寧願正堂返學日子都唔太想旅行，上年都唔係咁，詳情 在這。一返到教員室就見到平時見唔到既情景，大家知唔知係乜呢？就係同事們都好努力咁食早餐，佢地話去到就無乜心情 / 機會食野。如是者就冒雨出發，去到係荒山野嶺，得一個「喂蚊亭」。我無去個亭但係都比蚊咬左啖，已經係長衫長褲去，點知隻蚊咬頭，真該死。都估到今日會落雨，都勸過 D 學生唔好燒野食，不過死都唔聽。有一組就帶左一大把太陽傘去，不過聰明既同學疑似無諗過點樣捆把遮，最後佢地都搞得掂，掌聲。另一組十鬆人，要比更大更多掌聲，佢地非常合群，好多人負責擔遮遮住個爐，又有同學擔遮遮住遮住爐既同學。起好爐之後，又有好多位同學拎起膠檯布當一個幕咁遮住個爐。雖然佢地好狼狽同全身濕晒，但睇見佢地都開心既。真係唔好講笑，我都係主力企，但係全身都濕晒。皆因超大雨，所以都係去左一個鐘左右就撘車回校。一早唔出發咪幾好 ... 同學一樣玩得開心 ，反正都係換景燒野食。如是者學生就玩到放學 ... 亦因為咁，晏晝就有得食麥仔而唔係麵包。
全身濕晒，放工後回家沖個涼換件衫再落銅鑼灣吃 Dinner Buffet。話咁快就三周年，特登去 Cafe One 試下。咁都 OK 仔既，好在訂左檯，唔係就要坐 Bar 檯。咁其實都 OK 既，始終辛苦完一日胃口都唔會太大。搵食期間，成日都見到有人食長腳蟹腳，但又唔見出面有。疑似一出就比人拎晒，之但係又比渠 G 拎到三隻腳返黎。不過我對呢 D 凍肉無乜興趣，少吃。渠 G 第一次吃，話咁快就學識點樣開腳，可惜大家睇唔到佢既表情，非常盞鬼 ↓
醒目！不過我地見到三個人，真係黐左線咁。本身佢地都頗遲入座，咁一行三人，一男一女一老女。佢地放低 D 野就全部出動搶食，個男人真係黐線，一個人喪拎野食，係一次過拎勁多勁多。掉返轉黎講，其實係自私既行為。蟹腳成盤拎返黎，疏乎里一拎拎半打，其他龍蝦仔、蜆又係成盤咁拎。咁樣衝其實真係好唔要得，雖則話係比左錢就有權食，但都唔係咁食法，浪費晒食物既味道。真係對佢地三個人冷眼，太醜陋了。
食完之後影下貼紙相，逛多陣就回家去了。如是者就慶祝左三周年紀念，平淡中渡過，Very Good。
好啦，今晚要帶隊去哈囉喂，都係兜心口打完幾鎚再拍膊頭，是但啦。江湖傳聞係有學生驚到出唔返黎，要帶隊既同事去「救」。不過 ... 其實我唔玩鬼屋，都真係唔知點救，唯有搵定自己班 D 猛男幫手。唉，唔係正門入，都唔知點去，都係見步行步 ...
That's All.
Created On 30/09/2009 12:51:18
1 Comments
shirley_tong said :
30/09/2009 23:42:35
Your Comment
Name :
Authentication Code : 