好，難得一日假期可以睏到勁晏！講返尋日海皮公園夜遊既事，話說成日坐係度做野個陣都風和日麗，重係度諗尋日班學生去旅行先落雨，都算黑仔。點知 ... 今日下晝四點零正當出發去海皮公園個陣天陰陰，不出所料係落勁大雨。呢班學生都算黑仔啦，又黎玩先落雨！如是者撘巴士到黃竹坑再打的入大樹灣，早過班學生少少。呢次係未出發先濕身 ... 學生們落車既時候既情況係勁混亂。幸好總算無走漏全部入晒，一入之後都四散各有各玩。本來行列就得幾位老師，點知行下又見到 D 學生，D 學生又跟住行，結果最高峰時係有成十幾人 ... 老師們係今次活動中屬工作性質，所以無乜點玩，係坐左三分鐘列車、一間鬼屋、吊車。三分鐘列車個站 ↓



係平時懶可愛既熊貓都露出佢兇殘既一面 ↓



大家都估唔到平時合家歡既海皮公園係可以有咁既氣紛。咁其實呢 ... 停雨之後都有 D 工作人員出黎開工扮鬼扮馬咁嚇人。但係唔知點解 D 學生真係比佢地嚇親，我都幾 R 頭。咁多人係附近，都唔知點解會咁，嚴重既有 D 係嚇到喊。真係十萬個為甚麼，其實大家都知會有工作人員係路邊嚇人，但係就唔明點解會咁驚。明明無做過乜野，但係都身心俱疲 ... 幸好走個陣都有順風車出返黃竹坑，Good。



That's All.