可能天氣凍 + 自己阿伯既關係，一到朝早六點零就凍醒左，之後就睏唔翻 (睏得過五個幾鐘。。。)，今日亦都一樣，六點正起身後就 Print 下 Notes，做下 MM Quiz 咁，做到八點幾做晒就換衫閃水。好遺憾無塞車，無得睏耐 D。由於太早翻到去，結果係 Campus 四圍行下。之後遇到個唔識路既護士話要去 C148 搶救個位抽筋既人，我第一時間都話自己唔識路，結果當然係帶錯佢啦。係 C Core 遇到另一個 Staff，個 Staff 個反應同我一樣都話自己唔識路。。。最後我就無聲無色咁離開，聽佢講翻原來 C148 竟然係 M Core 到。。。無言。。。

Lunch 去左食滿江紅，寓意炒個滿堂紅！去到食左個「滿漢全席之荷香木桶飯 - 宮保雞丁」。個咁既野係好辣。。。一路食一路流鼻水。價錢味道都算 OK 啦。尖沙咀黎講都過得去架喇。

整體黎講今日都 OK 喇，上上下 Comp 頂唔順 D 悶氣就同友人甲、友人乙去 Starbucks 砍下咖啡，個度有兩款新咖啡，一款叫 Ginger Bread Latte，另一款就係 Cream Brulee Latte，後者個味道唔錯，係今個冬天既推介。

係 Starbucks 度同友人甲、乙吹左個幾鐘水，都吹左好多野 [我最鍾意就係同人去個類地方吹水，得閒陪我吹多 D ^^] 。原來我唔係串，係硬 X (PS. X != 膠) 。真係死未。 XXD 另外友人乙講話個個人自己心諗都唔知算唔算係，但應該都算係嘛，不過都要觀察同相處耐 D 先知道得唔得，但平心而論，性格黎講都幾 OK 下。

以下係同幾個人講既野，不過唔知佢地知唔知係同佢講呢。
友人甲：
「唔好成日話自己乜都唔識，大家一齊整個精進研習班，一齊谷谷佢就識架喇。千期唔好肥佬啊，唔係下年交學費交死你！今日又屈你陪我去飲野，見你出左糧個人都醒神 D 喎。」

友人乙：
「你今日唔講個樣野自己都唔覺，但係一講又好似好覺咁，算把啦。睇下遲 D點先啦。你成日走堂，今日又去睇 Concert，聽日 Test實滿江紅。哈哈，你都係比我屈去飲野，睇怕以後既日子都會係咁 XXD，其實我好鍾意咁吹水。」

友人丙：
「真係唔覺剪左頭髮喎。其實都 OK既，不過梳梳佢比較好，順 D嘛。好多日前你話過你會溫書架喇，不過唔知係幾時呢。MM你都係睇睇佢喇。無下次架喇 ~* 另成日唔上堂係唔得架喎，雖然上完都係唔識，不過人齊 D無咁悶嘛。哈哈，成日都講：你唔上我唔上，我唔上友人乙都唔上。。。睇下你幾重要。另外睇怕你已經嫌我煩了。哈。」

友人丁：
「你真幸褔，有人請食 Buffet，你個隻麵包超人睇怕要推後到下年生日先有 XXD。一盒三隻既出奇蛋剩低個隻就係你的。」

講晒了，係時候睇睇 EIE了。。。不過睇完都睇怕都係唔識。。。盡人事啦。。如果第二日無 Test，我今日個 Happiness 有 85 的。