尋晚十一點未夠就睏，今朝五點八起左身，Check 下 Post，睇下涼子姐姐新相到六點半到頂唔順走左去翻睏。睏到八點幾就起左身，之後就睇下 EIE Notes 溫下書咁，個陣時個心情都 OK 既。不過發覺 D Lecturer 佢地都係抄人地 D 問題。。。撞鬼，一科又係咁兩科又係咁。上網打個問題就出左答案。。。大佬，唔係咁好玩嘛，自己作一兩條問題都唔過份啦嘛。到八點零九點幾就 send SMS 俾 D 友人話佢知個答案。可惜幾乎無回覆咁制。。浪費晒我 D 心血同 SMS Quota。

唔知點解做完個 Test 之後就心情直插谷底。真係唔知點解，突然間發覺自己做好多樣野都唔知為乜。試過為阿 A 特登由紅堪行去尖沙咀撘地鐵到金鐘再駁的士去香港仔華富個頭同佢食個 Lunch 之後又用相同方法翻紅堪。又試過為阿 B 買好多樣野 / Download 好多樣野寄俾佢。又試過為阿 C 做多份功課仲幫佢交埋。生日買 / 整下禮物 / 咭送過阿 C、D、E、F 等等。仲有其他無數既事情都係唔知為乜去做。「將來我唔知有無回報呢？」呢個問題我題我絕對唔想去諗，何奈有時空虛上黎呢個問題就自然係腦海浮現。真係做咁多野都真係無乜回報，為既係增加生活情趣，等人地開心 / 滿足下？心情好個陣覺得係無乜野，但係心情唔好個陣我實會答你「我只會做過等人挺身而出救世界既小人物，我頂多為自己喜歡 / 岩傾既人做下英雄。 [尤其係前者 :D] 」。我覺得自己絕對唔係個 D 見到人快樂自己就快樂既神人。我都想有人幫我增加下生活情趣，等自己係咁 Dry 既生活中俾多少滋潤我。有無另一半已經係後話，有的話當然好啦，有個固定傾下心事既對象，無既話咪睇下有無 Friend 得閒聽下我發 Up 瘋。自己唔需要話一定要朋友開到聲問我有無事，只係陪我飲下野傾下計就已經心足了。 [唔多唔少呢個又係星座既問題] 。

唔知係咪自己表現得收收埋埋，人地見我好似無乜野，但其實最有野個個就係我。基本上朋友間既一個小動作甚至一言一語自己唔多唔少都有留意，從呢 D 動作言語或多或少都會估到佢地當時既心情 / 態度。換句話說，即係對人際關係比較敏感，每一樣人際上既動作會帶來乜野結果都會估到。對於乜野時間要講乜野自己會好清楚，但有時又係度諗，我做乜要討好你先，家陣又唔係話我食你著你，我洗乜要同你稱兄道弟。酒肉朋友唔係太岩我，甚麼「圍威喂」同我自己既人生態度完全相反。所以點解有時大班人上完堂食飯會唔見我。

家陣對比起兩個月前已經比較無咁抗拒上堂，可能好幸運地遇到 D 自己岩傾既人，呢個真係意外收穫。諗翻開始個陣同 D 人又唔熟，又唔知佢地既底勢，想搵個人傾下計都難。雖然成日撩你地去飲野食野，但其實為既都係想傾下計。 [始終面對面傾比起 ICQ 傾來得有趣味，不過大家唔好成日唔上堂吧 XXD 你地唔上我上黎有乜意義。] 有時係度諗萬一下年你地可以跳出呢個困境但係自己唔得，個陣時真係生不如死了。。。襯大家仲有機會見既時候好珍惜了。有乜事如果我幫到大家既就搵我啦，如果我幫到的話就一定幫。

其實我係一個大懶人，如果無一個充足既動力的話。基本上係唔洗旨意我會出街。我平時唔計翻學出親街都會係90% 為買野而出的。任何大時大節、禮拜六日，都差唔多 70% 會係屋企。無他既，少朋友仔又無另一半，都無需要出街。況且街人又多又迫，出去只會辛苦，反而係屋企 Hea 下仲舒服。係咪好似上左年紀既上班一族呢，有時間都只會係屋企睏覺。呢 D 咁既生活，點到你唔 Dry 呢。

繼上期 Do Re Mi 之後，今期興 The Beatles 既 Let It Be。唔好意思友人甲，首歌真係 John Lennon 唱既，Sorry ~
如果係聖誕個排一支公係咁聽呢首歌都咪話唔 =.= ，又可能因為就到聖誕，所以先會特別愛上呢首歌。大家睇睇 D 歌詞啦。
When I find myself in times of trouble
Mother Mary comes to me
Speaking words of wisdom, let it be.
And in my hour of darkness
She is standing right in front of me
Speaking words of wisdom, let it be.
Let it be, let it be.
Whisper words of wisdom, let it be.

And when the broken hearted people
Living in the world agree,
There will be an answer, let it be.
For though they may be parted there is
Still a chance that they will see
There will be an answer, let it be.
Let it be, let it be. Yeah
There will be an answer, let it be.

And when the night is cloudy,
There is still a light that shines on me,
Shine on until tomorrow, let it be.
I wake up to the sound of music
Mother Mary comes to me
Speaking words of wisdom, let it be.
Let it be, let it be.
There will be an answer, let it be.
Let it be, let it be,
Whisper words of wisdom, let it be.

「GAF既呢個 Post」 我覺得講中左我心聲。
「[自我安慰]上幾年都要陪佢過，依家回復單身，可以陪屋企人去行下囉~[/自我安慰] 」
「無啊,一條[冷]一丁友過,我無女朋友,好想佢係我女朋友?
好朋友就有個」
「企係露台度飲咖啡
望住街上既情侶同燈飾......
然後聽 Mr.Children 既慢歌......
最後越黎越憂鬱」
「冷冰冰既monitor, 熱騰騰既即食麵係你最好既情人」

「你有鍾意的女仔呀? 咁你就好應該先問下佢聖誕節點過
如果佢話一班人過 而當中有你認識的人(夠沙膽的話 冇你識的人都得) 咁你就問下可唔可以一齊去玩
如果佢問:你d fd唔陪你咩?
, 你就答佢聖誕節成班男仔一齊出去好怪
好似特登約埋出去媾女咁~ 但又唔想留享屋企 所以想睇下有冇得"跟團"玩
越老土的橋通常都夠work」
-----------
其實要令我心情好轉好簡單，就係同我傾下計 A_A”
有 D 人係堅到一個人都可以令我起死回生 XXD

另外又有其他野煩緊，其中又係友人乙個個問題。點算啊。。。呢個問題好難解決，因為唔知人地係點諗。

呢度有個幾好既貼文，關於100件女性必知男人心事。
http://hkg2g.no-ip.org/discuz/viewthread.php?tid=15188
暫時講住咁多先啦，如果突然間又諗到 D 野會繼續加。