問答無用！今日果然如意料之內係還債。

1. 大家估下呢兩個鐘表示既係乜野呢。



我想心水清既人都知道係乜來架喇，就係我今日既睡眠時間。0030 睏到 0525 到去個廁所又睏過到 0910，咁起身 Hea 陣到 1220 睏晏覺，咁 0435 到起身。起身既原因還是那一個，太肚餓。。。係餓到企唔直個人。咁起身煮個麵食定定神就真係睏醒了，個債都差唔多還曬了，輕先 ~

不過唔知係咪睏得太耐，都無乜胃口食野，個麵食左五分二到啦，係 Normal Size 來的。咁夜晚無煮飯，咁買左 D 炸兩同炒麵，炸兩食左幾舊就無食到，炒麵到 2508 呢刻都未食。唔通個隔兩日既蕃薯包咁厲害！？食完之後都唔覺太肚餓呢。

2. 今日除左睏覺之外，就係睇片。今日終於「的」起心肝睇翻集《Queer Eye》同《CSI》！前者如以往一樣咁正！今集係講 Xmas 啊，真係正到唔知點講好，所以唔講，都係一路睇一路笑到合唔埋咀。後者都一樣咁 Heavy啦。

除左呢兩套之外，睏醒覺之後就睇新一集既《甲賀忍法帖》，今次終於到伊賀個邊既人死，不過死個個係蠻喜的夜叉犬。。。死得唔抵啊！咁又飛左 Ep.23《逮補令》，呵呵，美幸同中島。。。

咁之後睇左《百發百中》+ 半集《老婆大人》+ 半集《學警雄心》。今日夠了，還左 Sleep Debt 之外就連 TV Debt 都還埋，我都唔知點解會睇呢幾套野。。。不過偶給《老婆大人》高度既評價！點解？因為女權至上！呵呵，岩曬我呢 D 小男人睇 (迷之聲：唔係嘛，你係小男人，小個子既大男人嘛。。。)

3. 咁又除左睏覺同睇片之外，今日都係清醒既時同朋友仔同學仔 Chat 左論。突然間覺得好美好，我既朋友仔係會朝早戇奶呢，完全合曬我點都早起既人心意的說！最鍾意自己呢段廢話！



最衰肥仔聽日考試，話曬我今日同聽日最得閒！呵，唔係咒佢，拎個 F 算吧，無謂作垂死既爭紮，我都坐定粒六拎一兩個 F 啦。



PS. 話時話，你一樣咁可愛。呵

咁晏少少就同同學仔淺談 Project 既事宜，我有預感覺得這次合作會幾愉快 (暢快同爽快會更貼切！！)！同比自己叻既人「合作」彷彿無咁大壓力，有一個萬大事都唔洗自己鼎既感覺。之旦係會唔會又多一個因為幫唔到手而感到內疚既問題就真係要做落先知，希望唔會害人害己啦。說實在，蠻期待。之旦係要 Present 就覺得好苦惱。。。



咁晚上同朋友仔 Chat 左陣。一黎又關我樹！？睇圖啦。







之不過佢有心八掛你 D 野即係放你係心上啦，呵。呢個係歪理黎，當無講過啦。

4. 更新了 Miranda 個 ICQ 同 MSN Protocol。咁另外聽邊個講 Install 埋 MSNM 7.0 Beta，咁例牌試下有乜新 Function 咁。發覺係唔多覺有，或者有我都唔會用。不過最覺眼既 Update 係 ↓



咁為左試試佢，就用左半晚 MSNM + WMP，原意係好既。不過我用慣 Winamp，唔識用 WMP。。。算吧。另外這功能會出賣「顯示為離線」？！我見離線既人有呢段 Personal Message 即係佢玩隱形？如果 Miranda 有埋呢個功能 + NetMeet 功能，睇怕我 MSNM 都唔會 Install！

5. 近日聽得知某位朋友仔有個「新」VNC 用法，就係裝係佢 BF 部電腦度！呢招毒啊，無時無刻話入就入佢部 PC，真係無曬私人空間了。係我就唔忍！呵呵呵。

6. 這句說話很傷人的，所以我要話過佢知傷傷佢



PS. 我無心架，唔好「吼」我。呵呵

2715，打好曬，其實有 2 個 Point 想講，不過夜了，要覺覺豬 ~ That's All.

---
2050，終於算係睏醒 + 精神翻 DD。就咁轉貼文章點會有意思，當然要等我講幾句啦。講翻今朝篇文章先 ~ 每段都加左我既 Comment ~

---
新好男人 10大條件

就算做到了...那又怎樣咧...

男人看女人，不只要有天使的臉孔、魔鬼的身材，還要有一顆溫柔體貼的心；女人看男人也越來越嚴格，不僅外表俊俏，買的起車和房子是基本條件，還要肯穿起圍裙燒得一手好菜。什麼是現代好男人必備的十大條件：

1.會做菜和家事：會做菜是現代好男人的先決條件，女人可以驕傲地跟朋友說：「我老公很體貼會做菜給我吃喔！」

呵，煮飯同家務我都算識啊！之不過要等阿叔出手就會難多少。點解？因為我懶囉。非常好，一開始就有好男人既因素。

2.肯照顧小孩：好男人總是做的比說的多，當小孩撒尿或大便時，好男人不會嫌他臭，會二話不說去幫小孩換尿布。

呵呵呵，未到咁既階段就真係唔知呢，No Comment。

3.3高：好男人不僅身高要高、學歷要高還要職位高，不過外表這回事是見仁見智，而且是屬於未滿30歲女人的好男人條件。

殘念。。。得 3 矮。。。最致命既係身高矮，我會歧視 ~>180cm 既人！

4.羅曼蒂克：好男人絕對不會忘記妳的生日及週年紀念日，甚至還會偶而來個驚喜，讓妳感動落淚。

哈，如果只要記得特別日子就係 Romantic 既話，咁偶都算係架。但係事實係唔同既，Romantic 唔止係呢樣。之不過我深信浪漫係由錢堆砌出來的。

5.專情：好男人只愛妳一個，什麼林志玲、侯佩岑等超級美女在他眼裡，還是家花最美，就算是真的，也要懂得在妳面前說：「在我心中沒人可以取代你。」

呵！專到爆啦，涼子姐姐地位在我心中沒人可以取代！現實點來說。。。我都唔知了。Er ... 對個個都咁好 (希望算係啦。) 結果咪突顯唔出普通朋友同女朋友既分別，這問題俾人抽個出來說的，依家仲係咪咁呢，我都想知。唔該，我要個女朋友試一試。

6.老實穩重：好男人就算不會說甜言蜜語，也沒關係，只要有一個可靠的肩膀讓女人依靠。

Yea ~ 我穩重不過唔老實，我內奸架喎，呵呵呵。

7.孝順父母：好男人不只孝順自己的父母，也孝順妳的父母，他可能會嫌自己的父母囉唆，但絕不會說妳父母壞話。

這個就有保留，整體來說都算掛。不過當然行動上就會做出各種不孝順既事啦。

8.脾氣好：不管是妳對或他對，好男人總是第一個說「對不起」；當女人歇斯底里，他也總是能不理會。

我只會對我喜愛既人脾氣好！！脾氣就是這麼爛。I love my attitude problem.

9.忠實的聽眾：永遠在妳不開心的時候，好男人會靜靜在妳身邊聽妳吐露委屈，永遠在妳說笑話的時候，他會懂得要笑。

咁多個 Point 最中就係呢樣！

10.幽默風趣：好男人不用是一本笑話大全，但不知道為什麼好男人就是有本事在妳無聊或不開心的時候，讓妳笑。

偶爾爆笑下啦，成日爆笑就變傻仔架喇。

總結
Yea ~ 好男人 ~ 都係唔知同我扯唔扯得上關係，煩請搵人話過我知，我巧迷惘唷。