2248，本來好早想打 Diary，不過都係磨到呢刻先打。

1. 今日聽朋友仔講佢身邊有一對戀人因分開異地而想見面問佢借錢？其實個 Case 都唔太清楚。不過作為過來人，唯一既辦法就係用 WebCam，別無他法架喇。想儲錢探人？沒有這個可能的說。一係就散左佢啦，諗多無謂，無謂諗壞腦。

講真，幾千銀見得幾日，係唔抵架，一係就見足成個月回本。散左佢算啦。

PS. 一講到呢 D 野就自自然巧 Miss You，說真我想九月 / 十月探妳架，不過妳又話 ~Xmas 個排翻黎，咁就慳翻，呵。

2. 呵，作為一個八卦 + 無所事事既人，當然好有空閒去留意身邊既人。今期有位朋友仔蠻激動地說「女仔係咪勁蠢先多人鍾意」。咁呢唔知點解自己好有感受喎，真係點都要講幾句。呵，試多下從「多」個角度深討一下這個話題。

首先呢，女仔的確係蠢蠢地 + 傻傻地會得到更多男仔既垂青，這個是鐵一般既事實。係從古至今，特別係中國人社會，男仔都係扮演一個強者既角色，而這角色的性格就是喜歡保護弱者。如果一個女仔係蠢蠢地 + 傻傻地的話，好似好易受到傷害咁，咁男仔就通常都會非常主動保護那些女孩子。再者，由於要扮演強者的關係，通常都注重面子架喇。點會咁容易接受到一個聰明絕頂，仲要叻過自己既女仔呢。這些可以解析到為何蠢蠢地 + 傻傻地既女仔會多人鍾意。

之但係，男仔係一種犯賤既動物，只可以接受蠢蠢地 + 傻傻地既女仔。如果係勁蠢 + 勁傻既女仔又會覺得頂唔順架喎。好多時勁蠢 + 勁傻既女仔既男朋友都偏向會出去識個另一個女仔！？跟住會話俾個女仔聽：「我真係頂唔順妳咁蠢啊！」。咁所以呢，勁蠢 + 勁傻都唔係一件好事，況且男仔又喜歡呃人，勁蠢好危險。

咁講完蠢蠢地 + 傻傻地、勁蠢 + 勁傻之後，講下如果個女仔有少許聰明又點呢。其實有少許聰明問題都唔大，至弊就係賣弄小聰明，咁有意無意落男仔面就好無癮，呢類人亦都最令男仔卻步的。男仔都係要面的。

不過如果係聰明絕頂既女仔又會點呢？佢地係懂得適當時候扮蠢！所以那位朋友仔都講得無錯，係要幾聰明先可以扮蠢的，如果唔係好易露餡的。例如係一大班人面前俾個男仔威下，翻到屋企 / 人少少既時候先「質」個男仔。呢 D 先係極品！

小總

講左咁耐，有無對「女仔係咪勁蠢先多人鍾意」瞭解多左？不過話就咁話，做翻自己咪夠，洗乜理自己蠢唔蠢。如果 D 男仔係見你蠢先喜歡你，個 D 人拎去填海吧。男人真係令人氣頂！

To :: 那位朋友仔

呵，你都不知得到幾多人喜歡，有老有嫩、有男有女，款式多元萬化，應有盡有！做乜話自己好蠢？！都不知幾聰明，只係未到緊張關頭唔洗出黎姐。成日都洗出黎，咁仲得矜貴？閒來那個「精靈」程度剛剛好，足夠係「多人喜歡」個個級別，說穿了便是可愛！ ＝＝ｖ

VICTOR ::

唔知有無曲解那位朋友仔的原意呢？呵呵呵，就係咁八卦！此篇短文亦都可能會大幅減少「朋友度」。之不過這話題的確幾有趣，好值得研究。呵呵呵。

3. 見 D 字都開始密密地，係時候貼圖隔一隔。尋晚臨睏前 Set 好曬時間 Send SMS Message 俾可愛既肥仔激 ...... 勵下佢 ↓



真係非常好，佢竟然仲考試之前 Reply 我。。。真係感動！



不過看來佢都係凶多吉少架啦，呵呵呵。咁咪幾好，大家都要 Retake 下 D 科。

2545 呵，聽日打埋剩低個大 Point 咁個 Diary 債又還曬 ~ That’s All.