過埋今天終於算放假了。。。

1. 一早起身打埋個 Description 同整理好個 Portfolio，咁順面約埋人陪我去 CityU。如是者都 OK 早出門口拎翻 D 相再翻屋企拎埋個 Portfolio 就碌翻出去。

咁今朝拎左本 Photoshop WOW Book 過朋友仔研究下，呵，我係無用書簽既習慣的，雖則你俾左好多張書簽過我。哈哈，乜真係好誇張咩？我都有用 Sticker 架，不過唔方便嘛。係枱面是但搵 D 收據、Memo 紙，總知係攝得既野就用，偶爾用銀紙攝住添。不過今日俾你見到用膠布攝住都 OK 誇架喇。記住還書啊！

2. 咁今日好順利咁遲到，去到 City 都唔曉路，D 指示牌唔清楚！！都係 Poly 好 D，除左 M Core 之外。咁交完 Portfolio 就落去深水埗搵 GameCube 既 Pikmin 2。但係行曬成個場都無得賣，之後再落旺角先達都係無。。。翻到灣仔 188 都係無。。。算了，我上網等人放了。。。

唉。想買隻 GameCube 都咁難，睇怕都摺架喇，可能已經摺 ed。

3. ↓，呵呵呵。



↓，嘩哈哈。



妳要既咪幫妳留起，呵呵呵。≧３≦

4. 唉。。。下下三缺一都真係唔掂，有無人肯 Join 啊，四個人做乜都得啦！



5. 今日係地鐵站拎左本《招職》睇下，發覺好多工其實都要 LCCI 呢。。。要曉正規中文輸入法。。。有份要英文 70 wpm，中文要 45 wpm，都咪話唔激。我點都係覺得女仔易搵工 D。



想多幾想，我做得 D 乜野呢？做 Designer 無 Dip 無 Cert 又唔畫得。做 Programmer 又唔曉得曬所有 Programming Language。做 Account Clerk 又無 LCC。做普通 Clerk 都要識打中文，又唔曉。普通話又唔識、英文又唔係好堅，同一個廢人無乜分別呢。啊。。。有無人可以教我應該點做？

6. 嘩，呢個細路仔勁可愛啊！！真係可愛到爆 ~



話時話，幾時影都唔記得左，個陣應該仲住係沙田，要千山萬水咁過黎維園放船仔。應該算係修身前，之後老頭子唔俾飲汽水就即刻瘦曬。

望落都好似無乜點大變，呵呵。除左塊面無咁肥之外，對眼一樣咁大、對眉一樣咁粗、塊面又白視透紅，再咪埋個咀真係殺曬，絕對係可愛格啦！閒來記得讚我可愛，多謝。

PS. Um ... 阿娘話細個唔好俾人讚靚仔，大個會唔靚仔的。。。＞︿＜

7. 今日發覺一個可以食飯食多 D 既方法！就係食飯個陣唔好飲汽水，食曬先飲。果然，今晚係食多左的！

定係我今日成日無食過 Lunch / Tea 搞到肚餓先食得咁多呢？！+hung 大大，我成日唔食野的確無乜問題既，唔會暈既，只係會無乜力姐。仲減肥？殘念，已經唔夠 100Ibm，係咪要減夠 90Ibm 先夠呢，呵呵。

2407，明天應該都係打唔成機又打唔成牌架喇，算吧。。。聽日睇戲都好，又搵 D 愛情小品戲黎睇 ~ Yea ~ ＞０＜ That’s All.

---
「達 - 達 - 達 - 達」。。。二十四。。。

啊。。。無二十四咁多，得四咋，要快快手去交左佢先得！！