2239，嘩。。。攰爆。。。

1. 今朝七點幾起身，留個言通知朋友仔再搵野 Download 就再睏過，睏到咁上下就起身準備堆朋友仔上黎。說實在，個陣十點幾，真係幾唔願意起身呢。不過見咁耐無見 (豺狼限定) ，咁都起身啦。

都係一班成班佬其實都唔洗點準備，係開定枱。甚麼剃鬚、梳頭就真係唔需要，頂多係刷下棚牙費事口臭。如是者佢地就好快上到黎。

2. 是日重點就係打牌，之前只係識打，係唔識計番、數牌、計花等等。今天手風都算幾順，可能唔識打 D 牌靚 D 掛。今日都食左幾次，仲食到次小三元！！

三番起糊一蚊番，應該贏幾蚊到啦。上完堂仲有錢賺！今日抵曬。聽日繼續打！呵呵呵。

PS. 其實我屋企開四人枱其實真係好迫下，不過唔緊要，我地頭我無所謂，哈哈。

3. 咁 1800 左右去左細佬間學校聽 Form 3 定 4 選科講座。真係激唔想去，阿娘又話幫細佬聽聽。去到真係悶到我死。。。個 D 類似既野我已經聽過，仲有多少經驗添，其實唔去我都可以講翻俾細佬聽，不過佢唔聽我講。咁咪去去聽下點。

這個揀科點揀都無乜所謂，只要勤力就夠，至弊就係唔勤力，就算點揀但係升唔到 Form 6 咪又係得個吉。不過我都係覺得揀理科有著數，全文科都幾陰公下。

PS. 1. 話時話，D 人話唔讀得書既女仔會靚 D，但係今日的經驗令這個想法完全打破。。。真係有唔靚又唔讀得書既人。

PS. 2. 可能個樣生得細個啦，發覺 D 人雖然 Form 3，但係都好似同年紀咁，我比佢地仲似學生，係個樣無左個份「天真」。

2259，無晏覺睏，好攰。。。That’s All.

---
1701，呵呵呵，經過一連數個鐘既麻雀班，應該有初階既知識了！呢堂唔洗俾錢，仲有賺添！

小三元係六番！！

講到呢到，坐陣又要出街，要成九點幾先翻，睇怕都要食 D 野先出去。