0730，我又記得我唔記得乜野。。。 Jul 04，Hoi 哥 happy Birthday 。。。

發覺記性一天比一天差。。。看來要係屋企貼晒大字報先記得 D 野。。。

1329，打完波翻埋屋企沖埋涼。。。有點肌肉撕裂的感覺。。。

2216，很好，今朝的事很值得去記！肥仔！

1. 今朝出左去打羽毛球，都幾耐無打過的說。肥仔，竟然有羽毛波唔帶波，結果要花 $9x2 + $2.5x2 買 4 個波。果然無估錯，平野無好野，個兩粒平波真係。。。波身輕、波頭重，輕輕打都飛到老遠。大力打就好似粒子彈飛咁。。。個兩粒平波膠水多，其實算難打爛。

今天叫做玩左三個 Game，非常好，非常緊湊。大家都唔識 D 例。有多少慚愧，打左咁耐波都唔識 D 例。結果以網球例改篇 + 羽毛球例為主，哈。Game 1 唔知乜頭乜路就完左。Game 2 大家低估個波既落點，亦都好快完左。Game 3 就刺激啦！「峰迴路轉」，雙方互有領先。最爆笑係開波個下，四個人輪住開波失誤，諗起都哇哈哈。咬到 13 平，之後輸 14 : 13，結果輸埋 ~ Yea ~

今日講得最多既野 → 「Yea ~」、「走動下啦」。

話時話，+hung 大大雙手擊球有強勁既氣，打中就堅，可惜打唔中既機會多過打中好多，哇哈哈。

PS. 1. 真係唔好講笑，尾個十幾分鐘真係流汗流到落雨咁，真爽！係時候游水啦，個個都話忌水。。。啋。肥仔之前竟然去乾蒸，落下水無壞既。

PS. 2. 爆笑，爆笑！依家得翻 Form 4 學生既模樣？！本身生得細粒又細個，年齡 -1，再配埋個短髮年齡再 -2？！唔該，要個學生餐，咁岩無著校服唧！

PS. 3. 個 D BB 仔女真係爆可愛 (其實都應該歲幾兩歲啦) ，拎住塊拍揮下揮下咁。有個拍仲要係兒童用既短拍黎添！

2. 打完波食埋飯翻屋企，甚麼多多飲品的確係 Meko 味 (唔係純水。) 。翻到屋企沖過涼就睏覺，睏到 1500 起身睇電視，搵下野撈逛下 Forum 又重新投入我既工作。咁呢，加左少少野落 Lesson 1 度。咁為左唔好咁悶就想將 D 基本慨念講得快 D，加多個 Basic Photo Enhancement 落 Lesson 1。

諗左好耐都唔知教乜好，去左 Ulead.com 睇 Video Tutorial，睇左成粒幾鐘片。終於諗到 Lesson 1，就係圈左個 D ↓



睇完個 D Video Tutorial，其實都只係知道個 D 係乜野，功能都要自己摸。其實呢，我都有個 Photoshop CS2 Video Tutorial，得閒我又睇左佢，PS CS2 個套就片長好多呢。

3. 呢期睇報紙見到 D 童裝泳衣泳褲。估唔到貴成咁。。。幾百蚊一套，男仔買條 Speedo 都係兩舊水。。。不過聽聞女裝個 D so call「有 design」既泳衣都幾貴，所以話呢，女仔真係識洗錢。

呢期都等錢洗。聽日講下呢期發乜夢啦，哈哈。

4. 應該尋晚講的，就係 I am scared ... ↓



令我歎為觀止。。。點解會咁架？！

另外睇翻 D 正常 D 既，《千與千尋》又重播，好違憾，都會睇多次，如果無節目的話 ↓



5. 肥仔打牌贏左 $135，依家沾沾自喜，由病態賭徒變為變態賭徒，已經不能自拔。作為朋友為左拯救佢，就要佢輸凸輸晒俾我地。呢個都唔知佢係乜人黎 ↓



禮拜五或者下個禮拜一於抽佢水！仲要請食 Lunch 啦，早知今日打波真係唔俾錢佢！吼！



肥仔！你大克了！

6. 頭先臨沖涼個陣老頭子想串我，以我呢 D 咁既性格當然不會就此被串，一針見血式講兩句當場無言，無被反擊既機會。

哼，想串到我都唔容易，OK 難啦。俺既「歪理道理化」既能力非常之強，一個唔留神真係會俾我 D 歪理打垮。唯獨一類人完全沒有勝利的可能，那就是「可愛的人」，會講講下笑出黎。。。

另外天秤有一個天生的敵人 → 天蠍。真係完全唔知 D 天蠍是甚麼構造，未交手已經輸個勢。

2420，攰了，明天都係打 Notes ~ 打完 Lesson 1 Notes 之後要度一度點安排個堂 D 時間。所以話呢，呢 D 錢都唔係呃翻黎架。That’s All.