2250，其實 18 個陣已經覺得體力耗盡，依家只係死撐。。。今日 Diary 次序是高至低，越低代表心情越差。

1. 講 D 開心 D 既野先，食品推介，呢集糖幾好味呢！





呵，日本制造。依家唔係話崇日，只係信心問題。如果呢包糖係國產既話就真係唔食。

2. 尋日打完波今日都唔算太攰，係右邊身情況比較嚴重啦，不過都無乜大礙。聽日無牌打，又要係屋企打碌屎。

3. 依家係用九方去打中文。雖則算係識打中文，而且都唔算慢，但係九方始終都唔係正規既中文打字方法，都想學識倉頡。話晒如果出黎做野唔識倉頡都會幾麻煩下。但係發覺一樣野 ↓



得英文，無中文碼。。。真係氣死我。。。難道我真係學唔成倉頡，有無人可以教我打倉頡。其實最大問題我記唔到 D 碼，太多了。九方都係得九大類。

4. 今日成日就係對住呢個 Screen ↓



真係好悶啊。。。呢 D 基礎真係悶到發癲。。。仲要打翻 D Notes 出黎個下先大穫。難個 D 反先有 D 興趣，有 D 我都要睇翻書先識。

不過好好醜醜都搞得妥妥當當，D 學生都好似唔止俾幾廿蚊黎上呢個 Course，睇翻 D Form 係寫要 $100 的。想 Hea 都唔得。

成日對住 D 悶野，對眼好乾，個人都好攰。。。心情直插谷底。

5. 19 鬆 D 去眠左陣，聽到屋企人 EEOO 咁都睏唔得耐。心情已經差，仲要 EEOO，我唔講幾句都唔似我。真係勁炆，一面係度鬧另一面又係度處處維護。一係就做到底，唔好下下做一半。次次都係咁！

夜晚都無乜心機再打 Notes，去左打 ↓



玩過第一集，都幾過癮下，不過係咁「滾」都悶悶地。

6. 我覺得自己好死蠢，其實真係唔知為乜。知道事實上係「唔係個回事」+「無可能」，但係仲要死撞埋去，但係唔係咁做又唔知可以點做。我真係灑脫唔起，與其爽快咁解決，我會選擇繼續保持關係。但係某程度上我覺得幾痛苦，何耐灑脫咁解決我會一下被打垮。

唉，不斷不斷地等，我都唔知點解自己係呢方面咁有耐性。。。我都唔知自己想點。俺佔有慾強、嫉忌心重、小器，呢幾樣野唔係人人睇得出，睇得出個個係神人。

講真，我真係嬲。但係諗深一層，可能知我唔會戒意先「要」我等下，我唔應該咁小器。不過今日心情爛透，可能係攰得制。

2354，真係掛掉。。。要長眠了。That’s All.