嚴重聲明：唔好搞我條腰！敏感到唔敏感，幾次就係有人督我條腰，結果就扭親。。。 Da…↘

肥仔，唔洗諗，係同你講，家陣搵條毛麼，話搵就搵？無咁易既。話就話急，其實都要慢慢黎。劇集還劇集，現實就點都唔同架。我都唔明點解你會得。得閒耍兩招過小弟嘛，上左岸之後做既事就話有 D 研究姐。。。唔通要下下大空降 / 搶攤。。。不過通常如果對方對你無意思的話有 85% 都係失敗的。

另外真係唔講唔知，自己都唔知，我都幾小器下，對巧多野都好敏感。可能整嬲左我都唔知 ~ 不過自己後天性記性唔好，會好快咁唔記得左。。。要搵人教一教我點嬲人先得 ￣▽￣∥
---
哈，好玩既題目 + 好玩既人 = 好玩既氣紛。。。說實在，今日 Oral Presentation 個氣紛好死下。可能真係人多既關係，都係尋日幾丁友人少少咁好玩 D。

十萬個有趣，今日又見到尋日問我點解唔 Gel 頭個個人，佢今日問我：「噫，你今日 Gel 得好衡喎」。其實今日同平時差唔多姐。。。定一定落黎之後就同佢講翻：「梗係啦，尋日無 Gel 嘛，今日一次過補翻。」。。。 Da …↘

無人明白既感覺我巧瞭解，當我同人講涼子姐姐幾巧幾可愛個陣 / 同人講我幾 Dry / 要食軟飯，其他人總係覺得呢個傻仔又發顛了。其實。。。我都係正常既男仔，唔洗咁對我的說。

原來 呢個 就係六哥輸入法，遺憾的是都要識多少倉頡呢。。。都係九方巧用。。。一隻手「滴滴答答」咁就出左個隻字，完全憑個 Feeling 去打字，有多少有反射動作的說 ~*
---
翻到屋企既時候，已經發覺 Download 完晒 D 野，有《太鼓之達人 - 四》 (馬拉松咁 Download 左成個禮拜。) ，另外就有平井堅既歌同 PV，至堅就係成隻 Acoustic 既 Ken’s Bar 都俾我搵得翻。其實平井堅真係唔算靚仔，不過 D 歌真係幾得下。原來 Last Day 唱既「十年約會」平井堅都唱過，叫「大きな古時計」，聽完又有另一翻感覺。
---
晨早流流有人播歌嘈醒左我。。。但醒過來覺得首歌又幾好聽喎，係平井堅既「思いが重なるその前に」 (Omoi Ga Kasanaru Sono Mae Ni) 。我連個歌名都唔知點解。。。不過好似係呢期定上期佢既熱播歌。諗住順面搵搵佢既 PV啦，又俾我發現左呢期好多新歌上，有興趣既有 Exile :: Hero、Misia :: Holy Hold Me、Gackt :: 君に逢いたくて。。。
呢個 Moment 講完，去睇集偵探學園 Q先 ~