今日好平平淡淡咁過，無乜話特別大感受，見到句金句，都覺得幾正下：
「長痛不如短痛，短痛不如陣痛，陣痛痛陣就唔痛」。

發覺有時身邊既人對我既稱呼由岩岩識同熟左之後既變化：
(一開始) Victor -> (見我樣細個，似好蝦) Victor 仔 -> (何奈相處耐左見我有 D 脾氣同原則) Victor 哥 -> (如果再熟 D，大家知道我係一個怎樣的人) Victor。

其實我都好易相處同無所謂既 (如果心情唔係壞既時候，無事就無事，有起事上黎猶如暴風雨一樣) 。天秤天蠍交界的我待人的態度是「你對我點，我就對翻你點，好似塊鏡咁。」自己絕對唔會作出甚麼偉大無私的付出，每每都會用心中的尺度一度先。但係心中既尺係咪公平就當然唔係啦，人點都會有多少偏心架喇。如果你覺得我對你態度十分差的話那麼要想想自己點對我，相反如果覺得我對你比其他人好既，咁咪即係話你對我好 / 偏心 (似後者多架喇，或者係可愛都得！男女適用。) 。不過講真如果你坦誠咁對我，我十之其九都會一樣 (雖然我唔知你有無戴面具。應該無既) ，結果咪見到一個顛顛地既 Victor。

另外咁岩醒起原來自己好少講「對不起」/「Sorry」。以前有幾次講左呢類句子，即刻身邊既人都講翻話乜 Victor 都會講 Sorry 架咩，真係好少何見 Victor 話自己做錯架喎。