2406，今日成日都係街度咁制。。。係依家先係屋企坐陣。

1. 今朝講道悶到睏著。。。雖然係由心出發，不過真係好悶。成個場都好多人頂唔順睏左。。。完晒祟拜之後就踏出左第一步 → 上堂。第一堂係 Introduction，比起想像中無咁悶，不過有這個「問書」環節，記性唔好既我就真係要小心 D 了。

為左等我記得翻 D 野，要留底 D Keywords。使徒行傳、路加福音、巴別塔、合一、分離。不過話時話，雖然翻左教會一段時間，之但係我好似無「決志」呢個環節。我洗唔洗補翻？！

另外呢，係三個升 Form 6 既同學之間，彷彿我又變埋升 Form 6。呵。

2. 16 就落左銅鑼灣食飯，見翻 D 好耐無見既 Ex-Classmate，大家還是這個模樣。估唔到係我最早到。。。絕望。左逛右逛逛左陣就食飯，係三越樓下間日本料理食，學某某說，咖哩還是這麼好吃！

食埋甜品就走左去 City Super 來了一個「英語繽 Fun 綠茶粉」，好多句我都唔記得左了，剩係記得 Detox Five Days Plan。再之後到左間糖水鋪就由我表演「唔會 Hum 頭大竹棚」，入到糖水鋪就來個「朗頌 Tone」。果然十分爆笑的說，我也不能轉回原來的腔調呢！

還有的是，我要感謝主賜給我這口來咀咒他人，還有給我靈活的手做個「裡‧粗口手勢」給他人看。哇咔咔，不要鬧我褻瀆神靈，我承認我的過錯。

大家快點結婚生孩子吧，我要做大家「伴 Leung ... 郎」。。。仲要收契仔契女。玩新郎個陣我會負責叫好 + 拍掌。

「我們要給那些穿涼鞋 / 露指鞋的人一個爆甲！」

Um ... 大家都知道唔好亂接電話這件事了，非常好。可惜我中左幾次招。是那人改變了我的生活習慣，以前我唔會聽 Unknown Call、睏晝覺會將電話放係房，但係依家有時會聽 Unknown Call、睏晝覺時時放係廳，仲可能熄埋電話。從好個方面諗，那人當你朋友先會搵你，唔應該時時嫌煩，偶爾是可以接受。

靚姐姐是靚姐姐，一個巧可愛既姐姐，得閒問我拎相睇吧。

PS. 原來我真係一個搞笑既人。

3. 今日出街發覺好女仔既裝束都係 ↓



係街有雪糕食！ D 人既褲短得好恐怖，背心小得好可憐。天氣真係熱成咁？！不過係靚姐姐咁著又無乜所謂既。如果白白淨又標緻既人咁著都幾可愛。

呢個係 Aya，松浦亞彌。其實都幾可愛的，不過有人極力反對話佢唔掂。

2502，今日係咁多。明天唔係要拼命打 Notes，是喪打！！That’s All.

---
0757，每天早上都遇上同一個問題，這問題只會在早上發生，那問題就是太曬。。。

屋企最好之處係每日都有陽光曬入屋，可以加點「朝氣」，又可以殺下菌咁。但係呢個亦都係缺點黎，陽光真係頗猛，仲要曬正我個電腦位，朝朝都吸左好多 Vitamin D。。。呢期對手燴熟左，搞到依家不得不縮手避避陽光。。。



看來係屋企都要塗太陽油先得，又或者晏 D 先起身。間房其實都好曬下，不過有窗簾隔一隔無咁曬咋。

PS. 有陽光曬下間屋真係「健康」 D 架！所以將來買樓租樓都要揀向東！來個「好朝氣」！

1615，剛回家又準備又出街！今日唔知幾點回家了，又打唔到 Notes，今日都 OK 多事發生。