2125，快打！好攰。

1. Happy Birthday to You ~ Happy Birthday to You ~ Happy Birthday ~ Happy Birthday ~ Happy Birthday to Ryoko ~



今日 Jul 18，今日真係涼子姐姐生日。上次真係好瘀，作為忠實蕃薯咁都記錯涼子姐姐生日。。。唉。

PS. 呢張相應該 Fans 都未見過，都搵左排先搵到。

2. 俾人扣人工啊。。。間學校成日做埋 D 核突野，學那位負責老師話，好在係舊生咋，唔係都講唔出口。話說 2800 - 400 = 2400，不過又話扣得少，另一個 Debate 既 Workshop 扣足增幅既 50%，咁結果最新人工 2800 - 700 = 2100。哇，呢間學校果然無令我失望，又係咁。。。

唯有將貨就價，一張紙印 4 頁底面印，盡慳。真係為搏下年做多次咋，唔係一野 Gur 佢 2800 算。

3. 之後心血來潮睇下相類課程收幾錢，結果 ↓



嘩，乜咁貴既。。。睇佢學既 Content 個 D 野都好似唔教得好深入。。。諗翻我既人工。。。啊！

4. 天氣真係熱得好過份，今日出出入入三次，三次翻到屋企都係裡裡外外都濕晒。。。真係有無搞錯。行翻學校個條路無遮無掩，已經帶把傘擋太陽，但係 D 熱力由地面散上黎。。。

去個程路未流大汗，係回個程路流到落雨咁。。。Crazy !! 不過把傘真係好重要，有佢遮遮都無咁熱。好天帶傘既習慣源自 Form 6，又係放學個陣太曬，要開傘擋下。個陣 D 同校同學會以另類眼光看，但係我心諗，係你班傻仔傻女照燒雞咋。今日開傘個 D 人都係上年紀既婆婆，看來我又再昇華到另一境界了。

PS. 1. [ 學校 < - > 屋企 ] x2。

PS. 2. 我明白點解女孩子要著得咁少布 + 注重清爽了。

5. 禮拜三第一堂既 Notes 已經拎左去印影，初回數量係 29 份，應該 $23.2 到。如果唔扣我人工既話會一張紙印 2 頁既。

上堂做既 Exercise 都已經準備好，算係趕得切上第一堂，之後既第二堂又點算呢？咪唯有到時先算。

6. 今天又中招了，又走左去聽電話。麻煩知情者請主動開解那位人士，佢 Downing，但係我好 Busy 無時間理佢。阿 W 先生靠你了。

一個聰明既人會識得「睇開 D」，只有自命聰明既人先會睇唔開。Degree 係咪真係咁重要？其實都係架喎，不過係你就係你，唔係你就唔係你，就算係你都可能未岩 Timing。所以唯有努力做每件事，人生係好多苦事，問題在於你可唔可以苦中作樂。

PS. 1. 其實呢。。。我真係好敬重那些「睇得開」既人。舊識落個堆大部份甚至全部都識睇得開，新識個 D 零零舍舍個兩個睇得好開。我為佢地鼓掌！

PS. 2. 不知不覺，發覺自己都比幾個月前睇開左。

2223，今日係咁多，今朝 0630 起左身無睏過晏覺。。。好眼睏，聽日打波，我識 D 例啦！！That’s All.