2202，今天與昨天一樣。[國語]「很累啊！」[/國語]

1. 今天早上開堂，咁呢，其實都幾趕下，不過唔緊要，我遲到無問題既。咁呢，今日比上一堂更順利，個人覺得今日課堂安排算唔錯，內容唔太多而且學到 D 深入既野。

上堂氣紛都算唔錯啦，無上堂咁悶蛋。今日有 21 個人到，咁發覺有 4 個人咁耐都未出現過，個 4 個人就白俾錢我 ~ 呵。雖然得 21 個人，不過要照顧晒咁多人都唔係易，重點係如果我第一次講個陣唔聽既話就會出事，咁我又要講多次，時間就咁浪費左。。。

其實今堂剩係學點樣 Select 都花左兩個幾鐘，剩低既時間就 Hea / Break。距離我既教學目標都選有一段距離，咁下堂應該教用 Curve + 執相，盡教啦。教得快學得好既咪大家都有著數。

PS. 其實 4 堂要教得全面 D 時間其實唔太夠，多 1 - 2 堂就比較鬆動。

2. 晏晝落左銅鑼灣親子樂，其實係買要野，咁兩兄弟加埋阿娘三人都有買野。咁細佬係 SOGO Columbia 買左條短褲，之後一群人就去左 Times Square Marathon 買鞋。我就買左對女裝 Reebok 鞋 + Columbia 袋仔。細佬買左對 Addidas。

咁呢，詳情留翻聽日先講 + 貼相。點解我會買女裝呢？！另外又多張 Marathon VIP Card，咁大家要係 Marathon 買野記得搵我，我有 Discounts。

咁之後到阿娘，佢係 Broadway 出左部 Siemens SF65，咁分期部機拉均 ~$2750 到，係渣打信用卡先得。咁呢，真係睇漏眼，呢部電話都真係幾正！又唔係 SE 個隻爛牌子，而且又唔磚，阿娘唔出既話我都可以出呢部黎用，不過佢出左就費事。

3. 咁買晒之後阿娘話去食 D 野，咁佢話去「小蜜蜂」食。諗左好耐都唔知係邊間野，無理由我唔知架。原來佢係指「綠野仙踪」。。。個個 Logo 擺明係小妖精啦。

咁都好快食完，共 $78，真係幾抵下。仲要食埋刨冰，正正正！

PS. D 刨冰真係幾得，起碼到依家都無肚痛。

2241，今日好攰，聽日再續吧。好想食白糖糕。。。That’s All.