2103，呵，要早 D 打 Diary，同尋日、前日一樣 [國語]「很累啊！」[/國語]。

1. 講翻尋日上堂 D 野先，兩件事。首先發覺我地學校訓導組好成功咁訓練到 D 學生好自律咁請假會打電話翻學校。。。

話說有個學生請假，咁佢第一堂已經話左聲我知，點知上第二堂之前 Office D 人話有學生打電話翻黎話佢請假！？大家咁認真既。。。咁都未算，之後有個學生要早走，佢竟然俾左封請假早走既信我。乜大家認真成咁既！？不過都係一件好事黎既，話晒都有責任心。

另一件事就係學校 105 既機真係唔掂，咁快慢唔緊要啦，點都會有慢機既；版本舊都唔緊要啦，要錢買架嘛。不過現時最常用既 USB Flash Drive 竟然用唔到。。。俾學校 Lock 左唔用得。真係有無搞錯。

暫時到依家，上堂上得好好好開心！比預期中更開心。錢銀多少都唔係問題了。

2. 都係尋日既野，貼相！咁尋日就係買左呢對女裝 Reebok ↓



其實呢對鞋點解會係女裝黎呢？乜 Orange + White 係女性化既配撘？我都好多物品都係呢兩隻色配撘，起碼幾件 Tee 都係咁。我發覺左好耐，就係女裝波鞋通常個鞋型都 Slim D，無男裝咁「頓」，好幾次買鞋睇中個 D 款都係女裝黎，真係氣死我。今次我點都唔理，係要買女裝鞋，個 Color Match 得靚 D！不過唯一既問題就係女裝鞋通常都無咁大碼，咪睇我人仔細細，其實我對腳板都幾大下。

PS. 呢張相我覺得影得唔錯，陽光既魅力真係驚人！

咁呢，呢張就係 Marathon 個張會員卡，個 Transparent 既 Design 唔錯！不過我見屋企人有張 Pro Cam-Fis 既會員卡都係 Transparent，個 Design仲正！不過我無係手。



PS. 大家記住去張卡上面 List 左既 Shop 買野又無會員卡就搵我，特價都再有折！無謂晒左佢。

呢部就係阿娘兩代手機，都係 Siemens 機，講真，我覺得呢個牌子真的不錯！不過部 SF65 好似有 D地方怪怪地，搞左好耐都唔識 Set 來電頭像。。。另外又好似無 mp3 鈴聲，諗落都唔太係我既 Dream機。難道要買 SE K750i？！



PS. 呵，肥仔你部機又點呢？

3. 總於講到今日啦！今朝如常翻教會，有好多小朋友，好有朝氣。咁呢，依舊啦。不過今日聽左個笑話都幾得。咁話說牧師上天國後每人會有一間房，咁所有牧師都好開心咁玩緊。唯獨是有 D 牧師既房間好靜，咁個個就肯定係聖公會既牧師。點解呢？因為其他既牧師未上天國之前已經「完成」佢地既靈修，但係聖公會既牧師就「玩緊」，所以到上左天國之後就靜靜地靈修。哈。

咁今日上堂呢，發覺牧師既問題都幾難答。雖然簡單，但係唔知點答好，好無信心的說，雖則無話答得好同唔好。另一件事呢，咁團契改左做 Sat 1030 開始，咁翻唔翻好呢？之前都有人邀一邀我翻，咁今日又有。之但係，Sat 既時間都幾多野做的說。咁黎緊呢個禮拜六就要上堂翻唔到，咁下個禮拜六翻唔翻呢？我諗都係揀個個答案「有人陪就翻！」。呵。

PS. Lunch 又係 Miss 請。咁呢，肥仔、+hung 請注意，我出左糧就出黎食飯，我請，睇下夾唔夾到時間同老師一齊食？

4. 咁呢。。。今日完全無打過 Notes，安息日果然安安樂樂咁休息。今日最大既活動就係追片睇！呢期入手既就有呢堆 ↓



咁 Screen Capture 見到個 D 野全部都未睇。。。今朝 08 就睇翻上個禮拜既《America’s Next Top Model》，竟然一次 Out 左兩個人，仲要 Out 左個個樣都 OK 既參賽者走。。。之後就睇兩個禮拜前既《CSI》。

翻到屋企仲激，睇埋上個禮拜既《Lost》同《CSI》，抖左陣就睇埋上集《Super Nanny》。清晒 D 西片就去補翻 D 動畫，追翻晒《甲賀忍法帖》，睇埋上集《Keroro 軍曹》，算係咁了。

《香港先生》同《窈窕熟女》比想像中有趣！後者有多少係《The Monk》Feel，黑色喜劇？前者其實係做到 2100 先睇，一黎就俾個筋肉人嚇一嚇。其實去到 Final 2 個人個陣都估到後生個個會嬴。呢 D 野有無黑幕就高層先知，陰謀論既話年紀大個個都拍唔到劇，點會係佢贏呢，大家話係咪先？

2317 今日 Diary 又長翻 D，不過聽日肯定會短翻 D，要打 Notes 啊！吼！另外呢，Welcome Home, Mommy ~ That’s All.