1253，好少可睏到成 11 點 (雖則係翻睏) ，無心機打 Notes，想打機啊。。。

1818，嘩！《電車男》好掂啊！！

2155，好攰。。之但係乜都無做過架喎。

1. 今日本來都想打 Notes，不過「藕」左好耐都諗唔到教乜好，結果呢。。。一 D 野都無打到。。。

成日都頭赤赤，今日由老早睏緊個陣已經有人鑽牆，都癡線。最後一堂都唔知點算，個 PhotoImpact 好多功能都比 Photoshop 差，再加上學校係 Version 7，真係血都噴埋，總知就難頂啦。

依家完全係等待拯救 ing。。。要早 D 睏先得，頭好痛。

2. 由於心不在焉，今日都花左好多時間打機 + 睇片。《3rd Alpha》已經打到十幾話，Reset 得都幾密下。不過超男真係好屈，已經加爆裝甲玩硬食，再加個氣力突破到 170，再加重跑手同 ZZ 做小隊員，玩全攻！

片方面今日就開左《電車男》黎睇！作為一個有留意 ACG 既人睇呢套片感受特別深刻，有 D 場面硬係覺得似陳相識咁。肥仔講左句好腰 +hung 心既：「VICTOR，快 D 睇下《電車男》啦，個主腳有 D 似 +hung。」

哈，「褲腳唔夠長」 + 「孭背囊孭到勁高」呢兩樣野真係勁搞笑。第一集臨 Ending 個度真係感同身受，真係試過為「打唔打電話俾佢」爭紮左好耐，又試過成個人震晒，另外係 Forum 度到網友傾計個 D 位都好應棍！

睇晒兩套收視較高既日劇，《Slow Dance》比較細水長流咁，平淡得黎 D 感情位又好細膩，關於 31 歲既女人既感情事。《電車男》就比較惡搞，見到個 Keroro 匙扣真係笑出黎，呢套就關於 24 歲既男仔既感情事。就咁睇介紹呢，《惡魔在身邊》就講 D 18 / 22 女仔既感情事。諗多幾諗，今期真係好似濫濫地咁。

本來食飯個陣想睇開埋套《惡魔在身邊》黎睇，之但係頭真係好赤，而且睇慣 HDTV質素既日劇突然睇翻 VCD 版既台劇有 D 無咁慣，不過聽日一定開黎睇，我唔睇就咬我！

3. 終於俾我 Cap 到呢幅圖啦！



唔知點解一見到呢舊野就總會聯想到肥仔。。。「噢慳拿」～☆

2257，聽日真係大把野做，要出去香港仔拎印影，又要落去灣仔買 D 野，又要寄野，又要打 Notes，又要準備 Last 一堂既野。今次真係最後一擊了！That’s All.