2240，岩岩跳完舞，對眼有 D 攰添。

1. 今日終於過翻一 D 正常既生活，可以打下機，睇下劇咁。本來今日諗住繼續打 Notes 既，之不過就因為呢個 Message 激起我 Hea 既心 ↓



今日終於開左隻《SRW 3rd Alpha》，難度都唔係易架 (要拎熟練度既話。)，最後揀左超男黎玩。



個 Opening 起碼 8-10 mins，入到裡面竟然見到有中文名，好惡搞啊。咁詳情留翻遲下講，不過依家隻金剛飛天鑽竟然係擊墜數頭 3 位。。。另外終於體會到積加大叔有幾熱血，可惜唔係主腳，暫時用得 2 話。。。

2. 打完機到夜晚終於開左套《Slow Dance》黎睇。第一話都唔係太悶既，呢 D 輕鬆小品係咁。發覺原來套劇 Cast 真係幾掂下，第 4 回收視 16.5，上升翻少少。



一提起涼子姐姐，就總記得肥仔講左句好腰心。佢話涼子姐姐年紀大扮可愛。。。真係氣死我，廿幾歲唧。。。人家的確是可愛！

開左套劇之後，都應該每日睇套劇的說，《Slow Dance》+《電車男》+《惡魔在身邊》就係我呢期既連載！講晒老女人、廿幾歲既男仔女既愛情觀，哈！

3. 朝早老早上堂，行翻學校段路好曬，今日上堂進度都係比預期慢，尾個 30mins 要狂衝。。。都無乜特別，今日同 D 學生傾閒計。原來我真係一個乜野都講得一餐既傻仔！

不過至爆有個學生講上呢個 Course 既原因係「鐘數最少」，真係笑死我。不過其實真係唔夠時間。另外上完堂就出去香港仔影印，終於拎左去印了。。。最後花左 $3.5 買左個肥肯 10 號餐翻屋企食。

PS. 1. 今日上堂拎左呢張野做 Sample，其實都唔算做得好好，塊面搞到起角。不過真人真係好似幾可愛咁。



PS. 2. 其實有 D 同學仔真係好 Hea，不過又無辦法令佢地改變。。。心灰。

4. 今日打機既途中聽左個電話，都講左好耐。比我預期中無咁怨念性，咁當然點都會有幾句「膚顯」下啦。不過整體都算 OK 既，如果係偶爾的話。

之前都同唔同人講過自己學校 S 班同 K 班既人邊 D 係冷血，咁其實我執著既地方係個個人本身一定要知道自己想點 / 想做乜。其實我覺得中學 7 年生活係俾大家發掘下有乜興趣，如果讀完 7 年都無既話就真係未免缺少左 D 野。

咁呢，呢兩年 Jupas 排位揀科我都會問人一個問題：你興趣係乜野？想讀乜野。咁如果對方答唔到我既時候實會講翻上一段既說話。

今日閒談中聽到一 D 新蕉色，都值得開心。有位朋友仔既做法好似怪左 D，不過起碼知道自己想點，都算係好事黎既。

2356，唔開心，白色好易污糟啊！！激死我，估唔到咁易污糟。。。今日玩左咁耐，聽日又要併命打 Notes！That’s All.

---
0826，總算趕得切，出門口了。。。精神麻麻。。。頭先用左個 Word 去開 Photoshop File，真係講句「癡線！」

我要聽翻 D 熱血歌打打氣先得。