0627，尋晚 26 先睏，睏得幾粒鐘又起身，依家坐係度都睏得著。最後一擊，算了吧。

2135，得翻半條命。。。

1. 今朝起身快快手搞埋個手尾 Pack 埋個 Parcel 就出門翻學校。咁上學途中都見到 D 學生，咁呢，作為一個導師，遲過佢地到都唔係太好既，所以都雞咁腳哄趕翻去。

今日真係無乜野教過，完全呃鐘數。花左 D 時間釘 Notes 入碟，再俾 D 學生，無人幫手，無人性的說，呵。咁之後花左好耐時間去搵個 Photoshop Elements，講左 D 難野，大家無興趣就唔再講 lu。咁就到我相片 Show，係咁易晒一晒命啦。之後就講下隻碟有 D 乜野野，咁最後就講翻 D 無得試既野，1030 就搞掂晒了。

其實剩底個 D 時間可以叫學生 Practice 下，不過見大家都好想玩，咁就成全佢地！咁就叫佢地有問題就問我。基本上大家都無問題，咁就變左傾閒計環節。

乜都傾下啦，開頭傾下《機戰》、《PSP & NDS》、再講下呢期要睇乜動畫咁，仲 Show 埋我個動漫 List 出黎，哇哈哈。我諗大家上呢堂都應該最開心，呵呵呵。

臨走個陣仲搞笑，我係咁走音。。。引來全場叫囂，哇哈哈。本來叫大家做 Feedback，咁佢地都做完，之但係個 PHP Code 有 D 問題，結果無 Save 到落 Database，激死我！！咁唯有再叫佢地做過。

成個課程都好輕鬆咁玩，雖則辛苦但好開心，Thank God Really.

2. 走個陣無落雨，非常好。落左 Post Office 寄 Parcel，只係 $4.4。乜原來本地既平咁多既。之後上左老麥買 Lunch 食，個 Counter 姐姐都還可以呢！

翻到屋企既節目就係打機！今日打左好多關，依舊無 Miss 過任何一個熟練度！是日 Cap 圖就係大吉姆 ↓



攻擊力 9999，輕輕撩野都無 20000，衰就衰在唔知確實既出招條件。

3. Hallmark China，真係令我大開眼界！



講精美都係 Hallmark Japan 既 Card 靚，亦都係最貴。呢張 Hallmark China 只係 $4，真係估都估唔到。。。

4. 尋日老頭子無啦啦係 Strawberry Forever 訂左個蛋糕，呢 D 就係老頭子既情趣。來個蛋糕盒相先 ↓



係朱古力軟心蛋糕，不過都幾「漏」下 ↓



2214，已經到左極限，真係頂唔順。大家要搵我就留 ICQ Message，我要補一補個 Sleep Debt 先。That’s All.