2131，開始。

1. 補翻 D 野先，尋日上個磅黎，有樣野值得高興既，就係 ↓



最新體重 102 磅！究竟我做過乜野黎令到體重突破 100 呢個心理關口呢？！真係好少可過 100，值得慶祝！大家請我食飯，唔該。

2. 尋晚好少可未夠 11 點就覺覺豬，睏到成條死屍咁。之但係唔知係咪習慣睏咁上下鐘數，睏到朝上五點幾醒一醒左，出廳坐左十分鐘到醒覺到要再睏多 D 先得，咁就再睏過，睏到九點幾起身就準備翻教會。

今天是泰澤共融崇拜。說實在，真係好悶，全程對眼都掹唔大，洽晒眼睏。不過一年得一次 (好似係)，都 OK 的。牧師將這日的祟拜比喻為「海棉放水」，平時的崇拜係海棉吸水，咁今日係會有多少枯燥。

上堂個陣有個問題問得好到肉，就係「有無人同你講：乜連你都會信？！」。這個當然有的說，連自己都不能相信。

↓



3. 之後去 Lunch，講起「朋友」呢個問題。我係一個好重朋友既人，會好留意 & 好主動關心朋友 (甚至有 D 過份添 =.=)。之但係我都認為做唔做到朋友係講緣份。可能大家會有一 D 諗都諗唔到既朋友，從邊個角度看都係無可能做朋友，但事實上就係好朋友。

如果 D 朋友會記住幾時幫過你，之後佢要你幫翻佢咁，個 D 朋友真係要反醒下。我地唔係聖人，係會有私心，但係下下咁記住就有 D 問題。也許好多人會話蠢，但自己會以「幫得到就幫 & 應該幫都幫」去做人 (錢就例外。)，真係事無大小。

做「朋友」唔難，但係做「好朋友 / 知己」真係好難。好朋友 / 知己面前無戒蒂，就算講說話講得腰心腰肺都唔會放上心，因為大家都知道你係乜野人。咁當然自己要將對方放上心，唔好話人地當你兄弟，你當人契弟咁啦。

如果因為某 D 事同你反面無朋友做既時候，自己可以補救翻個 D 係咪補，唔得咪算，十年朋友都咁話。朋友熟唔熟唔同人有唔同諗法，有人以一齊經歷幾多來衡量，亦有人以識左幾多年來衡量。後者就有 D人最輕講句「識左你十年，咁都唔幫我？！」，我就覺得呢 D 最討厭！

真係咁不幸無朋友做都唔洗難過，咁咪證明佢唔係你既白馬王子，就是這麼簡單，呵。

PS. 有人濫用「朋友」，有大部份應該叫「同班同學」，唔同班既時候就會無乜野講。。。可能係自己問題掛，自己都幾多「同班同學」。

4. 今天先知道原來有人認為我思考既角度同其他人唔同，或者從好多方面諗 D 無謂野掛。其實我都想認識自己多一 DD，不過苦無門路。

自己係一個講野唔會轉彎抹角，亦都會係 D 朋友仔面前顯露真我 → 發老脾。無他既，我對朋友仔坦然，無需要掩飾咁多野，咁總會有 D 野係會隱藏啦。話就話講野唔會兜彎，但唔代表自己唔可以說話說得好圓，對住 D 唔熟既人我會少說話，有必要表態既時候就會以極上兜彎的方式表達，唔想咁易俾人揭底牌。我都幾雙重性格。。。

話分兩頭，如果朋友仔會同我講 D 唔酒肉既事宜的話，我會好開心的。可能個 D 事唔稱得上心事，但對方選擇同你分享，某程度上係覺得你有 D 特質令佢講俾你聽。那些特質未必一定好實在幫得到手既，可能只係因為「朋友」所以講俾你聽。

或者叫做八卦，我都鍾意同人傾下計咁，十分重視人與人既交流！咁大家閒來同下傾下計，酒肉都唔緊要的，不過唔酒肉就更好。說穿了我就係好恨聽大家既事，呵。

5. 入黑個陣終於睏左晏覺，呢兩個禮拜就算幾攰幾睏都無睏晏覺，因為都幾多野做。 1800 睏到 2000，拿拿臨準備錄《America’s Next Top Model》個陣發覺原來上個禮拜所有片集都未睇過，陰公。。。

另外一口氣撈翻上個禮拜成個禮拜既野，痛苦。。。聽日應該搞掂，之但係有 D 動畫都無種，幾日唧，咁快無種既。。。

2322 睏醒無謂口食飯，好眼睏好攰。That’s All.

PS. 下個禮拜日一定整好隻 Photoshop！！