2231，對眼曉發光咁制。。。攰到我。。。

1. 這個朝早發狂似的打《機戰》，Clear 左好幾關，打到 28 話。是日 Cap 圖就係 GaoGaiGar 既 Goldion Hammer！



再加多個熱血鐵球親父！



經過一輪貼圖之後就交代晒今日機戰進度，呵呵呵。

2. 打到晏晝就開始喪睇片集之旅。。。今日成功清晒 D 美國片集 → 《CSI》+《America’s Next Top Model》x2 +《Lost》，睇到 18xx。抖左陣就再睇多集《Keroro》。

另外 2100 終於睇左《惡魔在身邊》既第一集，唔知自己攰定乜野，總覺得呢期睇個兩套日劇都比佢好睇。朋友仔話呢套劇必看，咁點都要睇一睇既。我最唔鍾意既地方就係個故事背景，點會個理事長個仔就咁把炮架，好唔真實。。。我睇劇點都會留意佢真唔真實，唔真實既我點解唔睇動畫呢。

開頭真係好難有衝勁去睇，有點悶。。。但到中後段就好少少，有 D 笑料啦。都會睇落去既，不過好似做左好多集，又要追。。。話時話，套劇第一集成 70mins，我覺得好長下，又多停頓賣廣告 (雖則 Cut 晒，但係都會窒一窒嘛。) ，仲有就係個首主題曲播得太密。。。

呵，唔係唔好睇既，可能唔係 100% 岩我口味唧，都係好野黎既。寄望可以快快手追上進度啦。

PS. 睇緊套劇既時候，細佬走埋黎話「噫，《惡魔在身邊》喎，D 人話好睇。」。估唔到佢都有留意，佢果然同我好唔同。

3. 今日鏗鏘集講 D 人著 Lolita 打扮，說實在，真係好嘔心。佢地有佢地打扮既自由，我地有我地批評既自由。係我既角度看，Lolita 只可以係係色情 / 動畫中先出現，現實有 D 咁既野硬係怪怪地咁。

衰 D 講句，唔係萌既就唔好打扮成個 Lolita。。。節目中有個仲驚嚇既事。。。就係有個男仔著女裝 Lolita，係 Cap 左圖，不過諗落太嘔心，費事 Post 出黎破壞呢個 Diary。

4. 話說今日同個 F2 學生閒談左陣，發覺佢年紀小小都識用 Photoshop，都唔錯喎，想當年我都成 F3 先識用 Photoshop。

咁見佢都可能有 Potential 就當然希望同學校有關方面提一提佢個名啦，畢竟學校都係比較少用電腦做 Arts 既人。真係有 Potential 就唔好浪費，個陣都係無意中被發掘出來，所以自己都會特別係呢方面留意下。

不過點都好，希望個位朋友仔係有心的話就不要浪費那份 Potential，要有機會去發光芒的話，自己都仲有微微的影響力為佢安排既。Photoshop 上面有問題的說都可以同我講，不過佢應該睇唔到架喇，哈哈。

PS. 我算唔算陪育後輩，難道我變左老餅。。。

2359，真係攰到我暈，聽日去漫畫節，不過我無錢。。。呵。朋友們，借住 D 黎洗下。有位朋友仔有開心事發生，巧羨慕。之但係如果又要來個衝擊的話，我看我會崩潰呢。That’s All.

---
0752，一早整個「熱血」先！今日既目標係 ↓

‧睇晒所有美國片集 → 《CSI》、《Lost》、《America’s Next Top Model》
‧可以 Clear 《機戰》幾話
‧睇到《Slow Dance》第二話再開到《惡魔在身邊》黎睇
‧睇翻兩集未睇既《Keroro》

唔算好大貪唧，這個「今日既目標係」呢句係優質雪櫃講既，N 年前上 Econ 堂開堂講定。今日既目標就係 Notes Page 24。次次又俾佢達標先堅啄！

PS. 想當年係雪櫃，但係聽翻 D 低 Form 講係優質雪櫃。