2301，開始。

1. 今日都真係無乜特別，都係打下機咁。Winning 9 開始上手了，不過發覺 5 星易打過 3 星既。。。是日最大比數 ↓



《3rd Alpha》方面就打到 38 話，都應該幾快會爆機，呵！

2. 《十月初五的月光》聽日應該最後一集，D 人都死得七七八八。套劇雖然 D 劇情有 D 老土 + 唔合理，不過整體都唔錯。套劇有 D Message 雖則簡單，但係都有 D 意思。

諗落 D 劇集重播而我翻睇既比率都幾高，反而首播個陣有 80% 都唔會睇。都真係唔知點解了，可能夜晚多娛樂掛。

另外發覺套《十月初五的月光》既主題曲 D 詞填得唔錯。唔錯既原因係歌詞係同套劇內容有關，我覺得做劇集主題曲係好重要，好唔好聽都另一件事。好似同套劇做一個「補完」，令佢更完美。

寧願沒擁抱共你可到老
任由你來去自如在我心底仍愛慕
如若踫到他比我好 只望停在遠處祝君安好

另外呢期既《野蠻奶奶》主題曲 D 詞都填得幾有意思呢。

3. 今日終於做左個九型人格測試 (Enneagram Test)。英文版黎，咁做左兩次，一次係 Short Test (50 題)，另一個就係 Advanced Test (131 題)。咁兩次個 Main Type 都唔同，但係 W Type 就一樣。咁以 Regular 個個為準。原來我是這樣的一個人，都中架。

Result 就遲下先 Post。大家可以去 [呢度] 做 Test。揀 Enneagram Test。

2336，今日係咁多，好攰啊。。。That's All.

PS. 今日有朋友仔問點樣係 CWB MTR Station 上 Time Square 係「捷徑」，個陣醒唔起。不過依家諗翻應該係唔好經 City Super 個邊上，直接行去超長扶手電梯上會快 D。即係一出地鐵站 Time Square 出口轉右就係。