1112，癡線。。。樓上隔朝晨早鑽野，喪架！！

今天將會好忙咁睇片。。。個個禮拜五都係咁呢。

2228，平平淡淡的過一日，尤如跳緊 Slow Dance 咁。

1. 今朝老早樓上鑽野，十點都未夠就鑽，鑽左成日。學某某話乜道牆好大咩，鑽成日唔通想鑽個網出黎！？咁經過十數分鐘既思量，應該可能係換地板，如果唔係唔會鑽咁耐！

不過呢，真係唔好再鑽，鑽到頭都痛埋，都癡線。希望聽日唔會再鑽啦。

2. 這個呢。。。今日無睇過任何之前錄低既片集。。。《十月初五的月光》完左，下期就做《十萬噸情緣》。呢套劇呢係剛剛買 TV Card 既時候首批會錄俾人睇既劇集，時移世易，依家唔洗錄又唔洗撈了。最記得個陣見到個兩個蠢爆既女角真係想左路 45 度角反手一巴扯埋去，哈。

下期我想整既甜品 ↓



無清舊債，反而又多左一集《Super Nanny》。。。唉。。。

3. 今日有一個醒覺，難道又郵包寄失！？無理由咁耐都未寄到架喎。難道係地址錯？！真係有 Room 32？！好少可個咁多單位架喎。。。

寄 Parcel 未試過寄失，反而寄信就試過。。。郵局真係呢。。。希望郵包可以平平安安咁寄到啦，都有成 5 個工作天了。

4. 這個班聚個搞手都唔知搞到點，完全無晒消息咁。。。想去架，肥仔又唔去、又唔知點解要去旺角、更唔知點解係呢個時候去韓燒。咁多「唔」既加埋，結果就係「唔去」。。。

聽日可以去探婆婆，呵！

2328，發覺左一樣野，係乜野呢？不過唔記得左，That’s All.