0923，癡線架。。。依家就鑽野，早得好過份囉。看來要投訴了。

2138，嘩，夠了。

1. 今日一口氣清晒上週片集，大大話話都睇左五粒鐘到。一起身就睇兩集《Keroro 軍曹》+ 1 集《Chobits》，之後就睇《CSI》+《Super Nanny》，再之後就睇《Lost》。

發生左 D 爆笑事，就係 CSI 尾個 5 mins 到錄唔到，Super Nanny 頭 5 分鐘錄唔到。兩套片真係無頭又無尾。誰不知道 Lost 仲爆，無頭 5 mins 之餘仲要錄到前 30 mins 無聲，齋睇字幕。。。好在平時訓練有數，有時自己用 TV Card 睇電視都慣左唔開聲，齋睇字幕，只係怪少少唧，都可接受既。

點解會錄成咁呢。。。真係要問自己先知了。。。

2. 今日其餘既日子就係《Winning Eleven 9》！發覺左日本隊都幾好用下喎，能力值唔高但係用係上黎都唔錯。打 Friendly 未輸過，但係打到 Road to 2006 就出事了。打 6 場，對中國、香港、中華台北，有輸有贏，港隊都幾進取下的說 (但係無個識)。



結果得失球輸左俾中國，呵。玩下唧，第一場和中國就係玩漏波，點知龍門一漏就漏入網，呵呵。

3. 今日最開心既事就係撈左幾首歌，一首就係《3rd Alpha》既主題曲《GONG》，另一首就係《勇者王誕生！》。係《勇者王》既主題曲，有成六、七個版本。成日都係聽佢，細佬都講左句「又 DaoGaiGar！？」。呵呵呵。其實有 D 衝動想買呢隻 CD ↓



有乜咁特別，特別在 1 首歌竟然有 18 個版本。。。



雖然有 D 只係改少少就當 1 個版本，不過都好厲害啦。依家 D 後生仔都唔熱血既，係要聽多 D 呢 D 歌先得！我有就係普通版、神話 Ver、究極神話 Ver、完壁絕叫 Ver、鋼琴 Ver。等緊集大成神話 Ver 同 Extra Ver，呵。

話時話，GGG少女歌激部隊幾把聲襯起熱血既遠藤正明都幾得下。

4. 話說阿娘呢期幫我入左張 Cheque，咁呢點都要講下原本點用個 $2100 銀。扣翻 $100 成本，原先就諗住自己用 $1000，咁會將部份 Save 低，其他就用黎完成我 D 邪念，即係加 Ram、買 BF2、買 Wireless AV Transmitter。咁就會將 $500 貢獻屋企，用黎食飯又好，洗左佢又好。剩低個 $500 就用黎請老師、朋友仔們食飯 / 食 Tea / 食 Dessert。

誰不知道阿娘改變左我既計劃，咁佢已經將個堆錢分兩份，一樣扣翻個 $100 先，再分 2 份。阿娘就拎左一份，咁我就剩翻 $1000，咁呢，應該就無預算去滿足 D 邪念。。。唉。。。晨早講左 $500，誰不知道結果就 $1000。都無乜野既，第一份糧都預左自己無得點用。一家人嘛，無錢既時候都係撻大手板攞，無相干。咁剩低個 $1000 應該照舊 $500 用黎宴客，$500 就儲埋啦。

雖然無銀兩，但邪念滿足計劃還默默的進行。其實仲有個邪 D 就係迫細佬換個 17” LCD Mon，咁我笠埋佢個 15”， 咁我就可以玩 Twin Mon，呵。

2227，今晚終於可以早 D 睏，呢幾個禮拜都好夜睏。。。That’s All.

2316，嘩，興奮，俾我爆翻入去我個 vitason@vitason.org 啊！