2143，食飽飯，開始！

1. 差唔多係每日 Diary 都會講既事 → 《3rd Alpha》，今日就打《Macross 7》既結局。呵，好遺憾，呢套動畫個結局睇左，又有翻多少回憶，咁又要貼貼圖。

咁幾個敵 Boss 咁就打柴，至爆笑就係底下面個兩個 Boss 係一片「HoHo」同「HaHa」之聲中掛掉。



最強既兩公婆！天才之麥斯 + Ace 之米娜！



不過我寧願麥斯做翻佢個最強艦長，依家變左個「笛子魔童」做艦長 XXD
最後，敵大 Boss 就係 Fire Bombers 的一片歌聲中「淨解」，巴沙拿唱的便是「Try Again」。



2. 今日下晝同阿娘一齊去大街探阿婆，咁撘車途中見到一大舊烏雲吹緊埋黎，個個 Scene 影到相的話就正了，可惜無。去到附近個陣個天都黑晒。

咁阿婆依舊精靈，諗落可能依家我咁「細路仔」都可能我細個佢湊我影響左我！都真係咪話唔搞笑。咁阿婆問入大學未，咁就話入左。咁佢就話大個搵到錢養阿媽囉。如是者講幾句，這個呢，次次探佢都搞到兩母子眼濕濕咁。亦都依舊由阿娘俾錢阿婆再俾錢我買野食，哈哈。

PS. 呵，阿婆 D 鄉下話剩係我同阿娘先聽得明，細佬、老頭子都唔識聽。

走個陣終於落大雨。。。我無帶遮，阿娘得翻遮仔。結果局住要等左陣，如果剩係我既話我一定唔會等，至怕就係等！

落翻香港仔撘小巴翻歸，咁我無帶遮咁就係個小巴站靠埋排隊。排我前面有個抽煙既中年男人擔住把遮。小巴埋站個陣個中年男人竟然遮埋我上車！？真係人不可以貌相。。。上到車即刻講翻句「唔該」。「幫人」呢個活動雙方都一樣咁開心呢。

3. 呢期有幾個問題。咁問題就係應該買邊部 Notebook 好，首先就要解決買 PC 同 Mac 好。PC Book 既好處就係泛用性大，基本上完全無兼容上既問題。Mac Book 既好處就係夠 Specific！真係用黎做 Design 會比較好而且又 Pro D 咁，但係搵 Software & 兼容就麻煩好多好多。

咁另一個問題就係要 Mon 大定細好呢？如果 14.1” / 15” 的話我又怕部機好大部，拎來拎去怕會唔方便。但係 Mon 細的話，我又怕睇得辛苦。簡單打個比喻用 Photoshop 的話，細 Mon 真係睇得好辛苦，又要放大縮細。。。

暫時未諗如果買 Mac Book 會點，如果買 PC Book 的話，咁睇中兩個牌子，一個就係 Fujitsu，另一個就係 Toshiba。如果係 Fujitsu 的話，咁就睇中 S7021 (14.1”) 同 P7010 (10.6”) 兩個 Model，都係 ~$10000 到。兩個 Specs 都差唔多，係個 Mon 大同小既問題。但係缺點就係用 Share Memory Display，我怕又會有大影響。。。

咁如果揀 Toshiba 的話，應該會買 M series 既 Notebook，佢就係用 ATI Radeon 既 Display Card。話晒都係獨立既，應該好過 Shared 個隻。之但係佢既缺點就係重！！我人仔細細點可以拎住 D 重要四圍去呢？！

那麼有無人可以俾多少意見我呢？都唔太趕既，不過打鐵要襯熱，呵呵呵。

2457，Um ... 有 D 野整緊。That’s All.