2207，終於可以翻到屋企靜靜咁坐下，出左成 12hrs 街。。。

1. 講翻尋晚點解咁夜先。咁真係唔怕講俾佢聽，其實我尋日都幾攰幾眼睏下，不過無所謂啦，幫得就幫嘛。咁中左不知名病毒，亦都不知為何的多麼阻滯，最後都係整唔到。已經係短期內第二次整電腦失敗，非常之強勁既挫敗感 + 內疚感。幫唔到人真係好唔開心。。。

咁之後聽到網友話 hkg2g.net 個 Account 俾人 Suspend 左。。。又係短期內第二次，非常之強勁既不安感。不過其實個 Forum 都好少人到，不如摺埋佢算，自己再租過 Web Hosting 再 Host 我個 Diary。不過聽翻 D 網友話都支持轉 Hosting。依家最大問題都唔知大家夾左個 D 錢點。

就係呢兩樣野令到我成半夜兩點幾三點先睏。

PS. 今期都好黑仔，都係做少 D 衰野。

2. 其實尋晚都擔心夜睏朝早起唔到身，結果真係差 D 唔知醒。。。1030 祟拜，1000 先起身，咁好快咁梳洗就 1015 出門，行 15 分鐘之後翻到去。真係眼都未掹大。。。

如是者上堂的時候又到，咁今日有提到「Comfort Zone」呢個 Term。當人離開 Comfort Zone 就自然感到不安。呢期最大既不安就當然係轉左另一間大學。。。還有的答案是 (問題已經唔記得左 =.=)：如果唔係有那些事的發生便不會有現今的結果。

3. 如是者上完堂就落左香港仔食 Lunch，這個 Lunch 時間就不斷吹水。呵，至搞笑就係我同一位學弟分開兩派，大家既目標都係娶到有錢既老婆，但係方法就唔同，佢就係要吸引有錢既岳父睇中，我就直接識個有錢既女仔，哈。

再重申，我唔怕「食軟飯」，娶到個有錢 / 好叻搵錢既老婆不知幾快活，可以過住 D 師奶既生活，都不知幾正！

期間自己乜都笑一餐，都唔知點解。這是由心出發的開心，就係開心所以就笑。咁每個月都有 D 日子特別開心既，呵呵呵。

剛醒起另一個好搞笑既話題就係「講粗口」，團契既第一主題就係「聽到某某講粗口」，笑死我。說實在，我都幾期待某某講粗口，之但係連佢細佬都無聽過。哈哈，真係 _____ 。

PS. 1. 原來那位的屋企是有點錢。。。唔怪得之佢咁唔同。

PS. 2. 本來想請大家 Lunch，但結果都係老師請。搵日真係要請佢食餐飯。

4. Lunch 完都 1700，行左陣香港仔 1815 左右先翻到屋企。坐左陣就落左銅鑼灣食飯，今次係同 D 老頭子個邊既親戚食。這個飯局好快 + 簡單咁完左。本來諗住坐耐 D 既 (因為平時係銅鑼灣同兩老既朋友 / 親戚食我通常都會早走。) ，但係到兩老想早 D 走，第二日要早起身。呢 D 咪就係整定，真係估唔到。。。

不得不提既就係有位堂家姐真係幾得下，個樣生得幾標緻亦都同時都幾好身材。非常好！

5. 今日都有件事令我幾意外，就係阿娘問我幾時受洗。真係估唔到佢會問，大約就今年年尾下年年頭到。

上一、兩堂牧師講到「迫逼」，咁都聽過有 D 朋友仔講到屋企人會勸自己唔好翻咁多教會？！雖然呢 D唔算係乜野迫逼，但都算有 D意見咁。自己都好幸運地好自由，屋企人都無理我，真係算係咁架喇。

今日講道都知道應該點面對那問題，就是「我信祂才是真的。」。其他人可能有另一個「祂」，人人看法唔同亦有自由。

6. 咁呢，轉左去 City 讀自己最想讀既科，點都係覺得好幸運，真係好感恩。之但係隨之而來都有擔心，首先呢，我怕唔夠其他人「Creative」，亦都怕唔夠人地「有料」。

有時睇翻自己既作品，會覺得有時風格都好一致 → 簡 + 清 = Grand。有自己風格唔係唔好，但係份份作品都係咁就可能有 D 問題。突然無晒自信。。。點算好啊？！

另外就係我唔想再讀個 D ELC / EAP，直情有強烈既恐懼感。。。如果有得 Transfer Credits 就好了。。。

PS. 有人問我有無 Join O’Camp，說實在，我唔慣俾錢買難受。

2310，本來可以打得仲快 D，但係有 D 阻滯慢左 D。今期好想食刨冰，兩次計劃都失敗。上期好想食既白糖糕尋晚又食左！正！That’s All.