朝早同 Lunch 都係係 17:30 先食。。。皆因無人煮。餓到「典典下」。期間都有食下 D 餅既，但係可能天氣凍既關係唔食 D 熱野落肚好似唔飽咁。點解唔落街買 / 自己煮呢？答案好簡單，因為懶。呢 D 咪就係叫餓死都抵。因為餓，所以都無乜做過野，都係打下機咁，無打 Counter Strike 成個幾月，發覺手感上真係差左好多下，可幸既係 Kill / Death Ratio 都起碼 1 : 1。

打完機之後就出左灣仔買翻 D 消耗品，比想像中平左 D ，不過都無左兩舊幾水，肉肉地痛，最貴就係呢 D電腦消耗品，唔買又無得用。激死我。不過見到 NDS只賣 $1310，真係心動到唔動，已經同屋企人放晒水話要借錢 / 籌期 / 贊助 / 供機都要買部翻黎，我要玩 Touch Made in Wario。問個個店主話家陣呢批貨都仲有好多，但係大家都唔知聖誕 D人會唔會入貨，到時無貨就真係白痴仔。。。所以點都要盡快買，咁就快 D玩，快 D呃其他人買 A_A”

題外話，發覺自己係唔同既環境、階段都會識到朋友仔。之不過每個階段完左之後，自己係無同翻個個階段既朋友聯絡。到咁上下唔聯絡就自自然疏遠繼而朋友都無埋。小學既同學係咁，中學既同學都係咁，有時唔同左班已經無野講咁制。。。都唔知係人地問題定自己問題，難度我真係咁 Cool？！其實家陣讀緊既 Course 好似有一個小學同學，之不過見到面已經無打招呼，同陌生人一樣。想當年小學個陣打機都上佢屋企玩。。。又係另一個動漫迷。家陣又有另一個 Sector 既朋友仔面對好耐都無聯絡既階段，唔通真係再耐 D 無聯絡就變翻做陌生人？！不過就算 ICQ 都唔知講乜好呢。但係咁少一堆朋友仔又唔係辦法架喎，唔通我唔唱 K 、唔出街 Hea、唔睇港產戲 / 歌 / 電視劇就會無朋友仔？定係我太 High，害大家洗好多錢係 D 飲食既地方度？還是自己係一個悶人乎？朋友自然流失率太高了。。。殘念

寒冬真係黎了。。。我至怕既季節又再黎，真係唔好咁凍，唔該晒。太凍我會死的。。。著幾多羽絨都無用，四肢係凍到無淪，個身就熱喎，呢 D 係咪血液運行唔好？

今日係 ICQ 度聽左個人講：「做乜見我戇奶都唔搵我？你見我呢 D 平時 N/A 開既人戇奶就梗係無人搵我，我悶先 Available 喇」。當時我都諗一諗，自己都好似係咁喎。。。 ─ｏ─∥

咁岩醒起一樣野，就係會唔會有人對「可愛」呢個形容詞反感既呢？本來想讚人，但係可能帶來反效果呢。真係咁耐都無諗過呢個問題。男仔會唔會對呢個形容詞特別反感呢？好耐之前有人問過我，問我 Mind 唔 Mind 人地話我可愛，自己本身對呢個字本身係正面既，都無乜話特別戒意，最好讚我多 D。 :D

是日金句：
女人既專長係「炸」驕，
男人既專長係「炸」傻。

以下係對朋友仔講的：
1. 我係咪好似魔鬼呢，成日搵你地陪我食 D 「貴」野，我無心架，唔好唔同我食飯唷 ~*
2. 聖誕一定要去十下十下！稻香好啊，一於拾到拾熟狗頭咁！哈哈，仲要飲啤，借酒行兇，醉死街頭。都巧幾年無飲了。。。上次既經歷實在太慘了。
3. 大家千期唔好激憤我，只會激到你睏直。。。
4. 天氣真係凍左，大家記得著多件衫。
5. 期待今晚既 Queer Eye + Jurassic Park 3