今朝比平時睏多左兩個幾鐘，成十點先起身。起身無耐就開左罐爆谷食，係前所未有咁好味，呢罐已經係近期第二罐，係推介黎，裡面除左爆谷之外仲有其他 Nuts。幾重牛油味。





食過爆谷本來想出去灣仔買翻個 Ink 同 DVDr 、去睇下 NDS 幾錢、借下書咁，點知因為有人會買 Lunch 翻屋企，所以出街呢個念頭完全打銷左。唔出街咁做乜呢？開頭諗住可以搵套戲睇下，但結果都係走左去打機先，打左陣覺得悶悶地，之後就走左去整我隻 Bear Bear 熊。係呢個 Diary 唔講咁多住，遲下先開個新 FreeTalk 講講佢，不過俾住 D 圖大家睇睇先 ~ :D

未連埋 D 手腳的。大家覺得隻熊仔企好定坐好呢？


PS.
1. 聖誕願望 → 搵到人陪我睇「Love Actually」、「Bridget Jones : the Edge of Reason」，新戲黎，好似好唔錯，有Renee Zellweger！十萬個想睇。。。但係拒絕同一大班馬蘭奴一齊睇。
2. 好孩子唔應該爆粗的，我要做個好孩子。
3. 食完 Lunch 有巨峰提子食，真係甜到你唔信，好幸福呢 ~
4. 我發誓未來六個月唔會再整 Bear Bear 熊！可怒伊！
5. 係「永不言敗」，唔係「燃敗」。
6. 平時唔出街係屋企唔梳頭，但係無啦啦今日有人按門鐘又唔知邊個就開左門，成個爆炸頭咁既 Look 佢都嚇一嚇。。。
7. 無午睡。。。家陣巧眼倦。。。