2200，無乜特別，打 Diary。

1. 今日祟拜講道講左 D 野出黎覺得幾特別的，可惜依家已經唔記得左。。。另外見到有篇禱文，是《親近上帝禱文》 ~ 伕名 (選自郭鴻標博士《眾聖頌禱》)

天父上帝，我感覺向你祈求太多事情，但你仍然垂聽我們的祈求。
在我們的眾多祈求背後是對神的渴望。
主啊，我渴望你比一切要深。
若果神拒絕我其他的祈求，我仍然可以生存。
父啊，我深願渴望得著你。

PS. 今天無堂上，哈。

另外呢，好有衝動翻團契的說，又搵到人陪我喎，Perfect！唔知點解覺得翻崇拜唔翻團契好似怪怪地咁。

2. 晏晝打左陣機就打 Free Talk，又同蝦米哥閒談下。呵，那件事又多個人知了。呵呵呵，仲要得 17 歲添。這個蝦米哥就唔應該，又同我講埋 D 咁既野，好惡魔 Feel 的說。

不過呢，除左講埋 D 衰野外都有 D 正經 D 野講既。「鍾意」係可以同時發生係唔同人身上，「愛」就可能係得一個，但係都唔一定。之前我都可能講過，「自己最愛既人未必係身邊的一個」，再講「就算同自己最愛既人係埋一齊亦都未必會得到幸福」。所以呢 D 野係話唔埋既。

我就咁睇，「鍾意」既上一級係「愛」，那麼「愛」便是最高層嗎？我認為唔係，當「愛」昇華到再上一級既時候，我地已經無野可以將佢形容出黎。所以呢，「鍾意」幾個人我覺得無問題的。

PS. 那些事真的會上癮的，到你穩定之後，你可能無咁多精力晚晚都做的說！不過小心為上啦。

3. 同蝦米哥傾完之後又同另一個朋友仔閒談下，這個呢大家讀完可能都係頹架喇。各有各頹啦，不過一個禮拜翻咁多日又真係陰公 D 既。

咁就講開識朋友仔既問題，咁理論上識唔到壞人既，而且 CM 理論上都應該有 D 「好野」睇既。不過希望越大失望便會更大，平常心吧。不過總希望識到 D 岩傾既人既。現在，祈禱吧！

再之後就研究去唔去 Orientation，兩個 Department Offer 左兩個 Orientation 俾我個科，再加埋 Welcome Ceremony，共 ~ 6hrs。咁 Welcome Ceremony 肯定唔去，一年得個次機會見校長都唔去。Orientation 有兩個，初時諗住去一個，去 Comp Dept. 開個個，話晒個個剩係 For 翻 BSc 個班人聽，人少少，見下未來同學仔都好掛。

4. 夜晚呢，Gary Rhodes 翻來了！不過好似重播既。。。



總覺得外國既烹飪節目好睇 D 咁。Jamies Oliver 又係、Yan Can Cook 又係！

5. 夜了點又再問下同學去唔去 Orientation 咁，咁得出以下結論 ↓



呵，咁就唔去啦！剛剛發覺原來佢都係 City 讀，太好了。識得既人又係 City 讀依家有 2 個！

2338，呵，今日打左成 ~3160 字。。。係咪好多呢？多都要睇啊！！That’s All.

PS. 再重覆講一次，上年的今月，我們識了一位好多野講的 Funny Guy。其實幾辛苦 + 煩的，一味係度講啊講。這件事覺煩的不單止我一個吧。