到 22:05 呢一刻，都有一定數量既人睇過呢篇野，可惜既係原來真係無朋友的。唉。。。人生點到你唔話悲哀。如果佢 / 佢 / 佢 / 佢同我講的話會更加開心的。不過睇怕到我死我日都無人同我講。如無意外 2004-12-07 23:59 前都無人會講。咁我唯有小器咁嬲。但係到另一日又無晒 D 怨氣嬲唔落。

另外呢。。。都唔講了，唔知點講好，總知唔好下下都單向啦，點都應該俾翻個 Signal 話翻聲，雖然唔係話有乜大用途，但起碼都得過「知」字。
---
打字既呢一刻係 16:30。心情比朝早更差。個樣呆唔係因為唔夠睏 / 岩岩睏醒，係唔想太精神，算係自我封閉既一種方法。係無誇張到的。如果太精神的話，我肯定妙語連珠，睇怕個陣無論幾熟既朋友都肯定會同我反面。心情唔好實臭臭串、格衰衰咁，如果再 Gel 到個頭衡一衡的話睇怕行街個陣比人打都似。 Happiness 有負分的話，睇怕家陣既分數係 Negative Infinity。自己成日話唔明白女孩子諗乜野，其實最唔明就係自己諗乜野。真係諗都諗唔到尋日仲好地地，今朝十點前都好地地，仲走去整 Sweet 既 Merry Kiss’ mas，點知十點幾之後就黎料，真係同行雷閃電差唔多。。。本來都話同自己講陣間提起個精神，收埋 D 怒氣，唔好將 D 怒氣散發係 D 同學仔身上，可惜，又塞車。自己至怕塞車同等人，完完全全將 D 時間浪費晒 (唔好話塞車同等人係樂趣！) 。怒氣進一步提升。

去到個 Room 個 Lecturer 又講埋咁多無謂野，你咪由得 D 人亂做又好誤導又好，又唔係你改，關你鬼事。真係想同佢講：「一係就早 D 講，一係就唔好講收聲。」。個 Test 又係知點做又唔知會唔會做錯。無得怨人，自己心情唔好就做乜都唔掂。睇怕我 EQ 都係 Negative Infinity 架喇。睇怕未來既 12 個鐘實會同人鬧交。

另外有個人生哲學問題：「點解要生存？」又再出現於腦海中。唔係話自己想死，之不過人點都要有 D 生存意義先得嘛。家陣其實問其他人一百個裡面九十九個都話唔知 / 無厘頭野，剩低個個就真係可能會認真諗下，不過都係無結論既多。難道大家生存無意思嗎？今天的生存原因是想生存多一日？定係話某某電視劇未睇完所以唔死得？如果俾我參透到點解要生存落去，睇怕我真係變做一個中年男人了。

講左咁耐、諗左咁耐，都仲未知點解自己無啦啦心情咁沈重。係唔夠睏、凍得制、餓得制、無錢洗定係其他野搞成咁？有無人可以話俾我知點解？咁落去又真係唔係辦法，心情好壞話轉就轉，唔好話人地，自己都唔適應啦。但係又有乜辦法等佢轉得無咁大呢？有既話我知好嗎？

其實一路以黎自己心情唔好個陣都好似無乜方法去處理，都係等佢自然咁散。又唔知係咪自己 Cool 得制定係唔將心情放係臉上 (但係唔係嘛，我心情沈重個陣好似暴風雨咁喎。)，朋友基本上係唔會問我係咪唔開心，屋企人更難察覺我係咪唔開心，剩係知道我係咪燥。就算以前既另一半都無問過我係咪唔開心。如果有人可以問下我就好了。話就咁話，都係睇人問，我唔排除我會俾翻「係啊，唔開心，咁點？」既反應佢。呢 D 咪就係挑剔羅。不過無人理既感覺又唔係咁易受，衰又衰在自己睇唔開。真係唯有等 D 唔開心自己散啦。。。任何物質既野都唔會令佢散。
---
講左咁鬼耐，又係認句既時候。如下：
1. 做乜今日十一點幾翻到去 Campus 啊？翻去問野？係既話又乖乖喎。哈，繼續啦，你要爆豬的說呢。話時話，家陣個 Look 唔錯唔錯，巧有 Potential。翻到黎我記得 AMA Notes。。。華娛瀧澤秀明個套野的確係「蛋糕上的草莓」，你講個個女角應該係內山理名，都算 OK 紅的。另外你上完堂去左 Comp Lab 咩？做 JAVA 咁叻叻 :D

2. 大家努力做埋個 EAP Oral Presentation 同 GE Essay 啦。齊齊把生命豁出去吧。放心，我會常伴你左右的。

3. 真係唔好意思，今日自己心情比較差，唔應該冷言冷語 / 用 D depreciate 既態度回答你地。真係十萬個唔好意思。下次見到我應該唔會呢個態度的。

4. 大家早 D 睏啦。我夜晚七點 send msg 過你，你就十一點幾俾反應，之後點幾 Offline。仲有你，我兩點幾起身心血來潮想熄部腦，點知見到你仲戇緊奶。。。仲有你，成日話唔夠睏，日上三竿個陣仲睏緊，睏到唔願醒，但係自己夜夜都唔睏，成兩點先 Offline。唔洗懷疑點解未講到你，你仲堅，我朝早六點見到你戇奶，心諗，你唔係早得過我嘛。。。一問之下原來你仲未睏。雖則後生，但總有猝死既機會，得閒睏多 D 啦，咪玩通頂。
---
寫到呢一刻係 16:56。仲有多少野要「Son-k」。
1. 真係完全變左個 Miranda 人，個 ICQ 個邊個 List 亂晒，搵日得閒真係要執過晒佢，順面 Update 埋 Miranda 呢面，Delete 晒 D 無野講既人。

2. 天氣咁凍，肉條條坐落個廁所板到已經凍到醒晒，男仔都話間唔中坐下姐。女孩子周不時都需要坐落去，咁冬天咪好痛苦？所以話女性點都要寫個「服」個佢。

3. 左眼仲係咁眼眉跳，好唔舒服。。。
---
10:19 - 凍得好過份。。。手腳完全處於冰冷狀態。。。心情突然變得好壞，壞到難以形容。
---
07:02 - 六點未夠就起左身，花左幾粒字去 Check Posts，Check 完又花左半個鐘到為呢處加上聖誕氣紛。不過加完都好似無乜，不過我巧鍾意頂頭個個 Santa Bean，真係唔用唔得啦。核突都咁話。用左少少 Sticker 既技巧。不過有人話真係核突，所以我用左 Merry Kiss’ mas 既 Banner 算。。。
原圖


首頁個 Merry Kiss’ mas 唔知係早一兩年唔知係邊度睇翻黎，發覺都有 D 意思所以就用左佢。個首頁我都幾鍾意！
玩完一大輪，巧以去溫下書的說。