前言：
今日搞搞新意思，用 Time Line 寫晒今日 D 重點。今朝起身都整左個時間表的，係 「呢度」。首先打下 NBA Live 先，等屋企人翻工翻學既時候就開戲睇。諗住睇 Love Acutally / BJ 單身日記。記完就食 Lunch。Lunch 完就整埋隻熊公仔。整完就落街買翻 D 影印紙，買完就翻黎寫卡。寫完又打多次機。打完就溫下書，途中食埋夜晚飯，食完就 Hea 一陣。Hea 完就覺覺。結果呢，當然做唔到喇。。。個 Time Line 就係咁 :



1. 七點三就起左身，例行 Check Posts。
2. 七點九到就打左 Round NBA Live，對速龍，大勝。之後玩完就 Quit Game 見到 Wilson 戇奶就 Chat 左陣。結果你都表現得非常「好」，正！
3. 八點九，本來想開戲睇架喇。不過見太早無乜 Mood，上次睇 The Terminal 都係 Lunch 後先睇。之後想執執個 Diary 既 Coding，加左個 List Diary 既功能。另外有人會見到 “Merry Kiss’mas” 頂頭有 D 字的，個堆通常係我對你既怨念 / 疑惑。喜歡的可以 Reply，唔喜歡可以由得佢。
4. 十一點九，真係想開戲 + 有 Mood，點知隻 DVDr 特然開唔到，最想睇既 Love Actually 同 BJ 單身日記都燒左係裡面。。。兩套都睇唔到。陰公。。。見開唔到就即刻去搵下有無得 Download 翻，見到有「太鼓之達人 5」同「Zeta」，就即係開始下載，隻 Zeta 到家陣六點幾就 Download 完。另外套 Love Actually 8GB DVD 版應該要幾日先得。。。除此之外，又下左一青窈既 Morainaki，幾怨婦歌，唔錯。
5. 令我解封 PS2既唔係甚麼大作，只係隻太鼓 5，連埋之前既太鼓 4 分別燒出黎玩，發覺 5 D 歌吸引我多 D，有平井堅「輕敝雙眼」、又有「Jingle Bell」，真係唔錯唔錯。偶巧開心
6. 打完太鼓之後都仲未開到隻 DVDr。。。之後就走左去整埋隻熊仔，聯埋個頭同四肢，都仲好開心下，發覺整出黎應該幾 OK
7. 8. 9. 10. 整緊隻熊仔個陣，無啦啦身邊出現一隻大黃蜂，成吋半長，隔好遠都睇到佢支針，係個種針人唔會死個隻品種。真係驚到我，屋企又無人喎。。。武器都無件。。。得 D 報紙個 D。。。至慘屋企所謂既「武器」都係近距離 + 殺傷力低 + 命中率低既野。。。用黎趕 (消滅) 隻黃蜂分分鐘整嬲佢俾佢針緊野。諗住行遠 D 打個電話俾屋企人問有無殺蟲水 / 建議，點知我得到既回覆係「由得佢」。。。之後再打電話俾 Wilson 問點算 + 舒緩我既情緒 (巧遺憾，俾佢聽到我 D 尖叫。哈) 。搞左 45mins 隻野都仲未走，係度鑽入掛左係度 D 衫褲到，真係想一野拍死佢！好可惜無做到。之後係十萬火急既途中有人 ICQ 問我野。。。諗住搵佢問點算 + 話俾佢聽，點知佢又唔鬼理我，真係激死我。不過有樣野好堅，可以選擇性睇字，難道無利用價值就無人理？我都想人幫下我，可惜係無。之後過多 10mins 見隻野飛左入房 (阿爸阿媽個間) ，即刻收起 D 衫 + 開大 D 隻窗 + 關門。呢 D 仔係邊度搵呢。我無落街已經算保衛家園架啦。
-----
俾我睇住隻野係邊我會覺得安全 D，大不了就走人。可惜有一段時間唔見左佢。。。真係嚇到我死咁制。估唔到廿歲仔仲對呢 D 昆蟲咁驚。係任何昆蟲都覺得嘔心！邊個話蝴蝶靚架？我摳死佢！細個都無乜野，仲可以玩下佢地，點知人大左仲細膽左。。。
我應該打俾阿海，佢夠 Man，佢應該可以話我知點做。。。Wilson 都係唔夠 Man。好彩唔係打俾佢 / 佢，九成十會話：「咪玩啦，唔得閒啊，你男仔黎架，自己搞掂佢喇。」或者「癡線、低能、白癡」。A Friend in Need is a Friend Indeed。。。

11. 完成隻熊仔。開頭整覺得好難整 + 好煩，不過聯埋 D四肢之後都覺得 OK喎。遲下得閒就睇下再包裝靚靚隻熊仔，再送俾人。有幅圖俾大家睇下 :



12. 到七點正，岩岩寫完日記。

P.S.
1. 一個人有無內涵係一 D 小事上可以睇到的，你係有的，不過唔係指你。(哈)
2. 係小器架喇，可能就因為咁唔會再有任何野講。可惜係有多少架啦，不過都無辦法，下下都係咁巧無癮。
3. 可能到我死個日都係無人理我。Exam 就黎，想搵個人指點下都咁難。。。剩係搵翻齊 D Notes 都唔得。話就話唔著重甚麼分數，但起碼都要過到自己個關先得。
4. 達成短期目標，NDS 聖誕入手可能！
5. 有人算過我係遲婚。。。仲想早 D 有個幸福家庭。。。
6. 再次同自己講，都唔知自己為乜。
7. 都係收翻埋比較好，唔收埋硬係有 D 野影響我咁，不過收埋個心又癢